Son.az 4 nəfərlik klassik quzu incik reseptini təqdim edir:

4 ədəd quzu incik

2 xörək qaşığı zeytun yağı

1 ədəd soğan

2 diş sarımsaq

1 ədəd yerkökü

1 çay qaşığı tomat pastası

1 stəkan isti su və ya ət suyu

Duz, qara istiot, kəklikotu, dəfnə yarpağı

Hazırlanma qaydası

Əti yuyun və qurulayın. Ətin hər tərəfinə duz və qara istiot sürtün.

Geniş bir qazana zeytun yağını tökün və qızdırın. Əti yüksək istilikdə hər iki tərəfi qızarana qədər bişirin. Bu mərhələ ətin suyunu içində saxlayır və onu "pambıq" kimi yumşaq edir.

Soğanı, yerkökünü və sarımsağı doğrayın, qazana əlavə edin. Üzərinə tomat pastası əlavə edin və bir neçə dəqiqə qovurun.

İsti suyu və ya ət suyunu, ədviyyatları və dəfnə yarpağını əlavə edin. Qapağı bağlayın və zəif odda 1,5-2 saat bişirin.

Ət sümükdən asanlıqla ayrılacaq qədər yumşaldıqda yeməyiniz hazırdır. Lalə Qüdrətova Son.az