Soğanı belə yeyin 1001 dərdə dəva imiş

Digərləri 07 Yan 2025 07:40:00 89 0

Soğan qədimdən bəri həm müalicəvi xüsusiyyətləri, həm də qida dəyəri ilə tanınan tərəvəzlərdən biridir. Xüsusilə qış aylarında soğandan istifadə immuniteti gücləndirmək, soyuqdəymə və qripin qarşısını almaq üçün əhəmiyyətlidir. Soğanı düzgün istifadə etmə üsulları onun faydalarını artırır.

Soğanın insan orqanizminə başlıca faydalarını təqdim edirik:

İmmunitet gücləndirici: Soğan C vitamini ilə zəngindir və antioksidant xüsusiyyətləri ilə immunitet sistemini gücləndirir.

Soyuqdəymə və qrip əleyhinə: Soğan təbii antimikrobiyal xüsusiyyətlərə malikdir, buna görə tənəffüs yollarını təmizləyir və qripə qarşı qoruyur.

Həzmi yaxşılaşdırır: Soğan bağırsaq florasını tənzimləyərək həzmi asanlaşdırır.

Ürək sağlamlığı: Tərkibindəki flavonoidlər ürək-damar xəstəlikləri riskini azaldır.

Soğan necə qəbul edilməlidir?

Soğanı çiy, bişmiş və ya marinad olunmuş formada yemək olar. Ancaq bəzi üsullar onun faydalarını daha da artırır:

Çiy soğan: Qış aylarında çiy soğan salatlarda və yeməklərin yanında yeyildikdə mikroblara qarşı güclü qoruma təmin edir.

Sirkədə saxlanılan soğan: Soğanı sirkədə saxlamaq onun həm dadını, həm də faydalarını artırır. Sirkə təbii antibakterial xüsusiyyətlərə malikdir və soğanın tərkibindəki faydalı maddələrin bədəndə daha yaxşı sorulmasını təmin edir.

Mütəxəssislər deyir ki, soğanı sirkədə saxlamaq bağırsaq sağlamlığına müsbət təsir göstərir. Sirkə bağırsaq florasını dəstəkləyir, orqanizmdən toksinlərin atılmasına kömək edir.

Sirkədə saxlanılan soğanı yemək, xüsusilə antibiotik təsiri göstərərək qrip mövsümündə xəstəliklərdən qorunmağa yardım edir. Lakin həddindən artıq miqdarda yeyilməsi mədə turşuluğunu artırıb diskomfort yarada bilər.

Nar suyu ilə saxlanılan soğan

Soğanı doğrayıb nar suyunda saxlamaq maraqlı bir üsuldur. Nar suyu antioksidantlarla zəngin olduğu üçün soğanın antibakterial təsirini artırır. Bu qarışıq:

C vitamini və flavonoidlərlə immuniteti gücləndirər;

Həzm sistemini dəstəkləyər və mədə-bağırsaq problemlərinin qarşısını alar;

Dad baxımından fərqli və xoş bir təcrübə təqdim edər./Yenisabah.az Son.az