Müğənnilərimiz "YENİ İL"də bu qədər qazanacaqlar

Şou-biznes 25 Noy 2024 19:50:00 69 0

Qarşıdan gələn Yeni il bayramı üçün azərbaycanlı müğənnilərin səhnədə çıxış qiymətləri bəlli olub. Şou-biznes nümayəndələrinin bəziləri paytaxtda, bəziləri isə bölgələrdə yeni il günü səhnəyə çıxacaqlar.

Son.az bildirir ki, BAKU.WS sənətçilərin həmin gün üçün əldə edəcəkləri qonorarın miqdarını araşdırıb.

Sözügedən araşdırmanı təqdim edirik:

Xalq artisti Röya Ayxan Yeni il günü paytaxtın dəbdəbəli məkanlarından birində sevənlərinin görüşünüə gələcək. Sənətçinin həmin gün alacağı qonorarı öyrənmək üçün mətbuat xidməti ilə əlaqə saxladıq. Mətbuat xidmətindən bu barədə açıqlama verilməsə də, kulislərdə gəzən məlumata görə səhnəmizin ulduzu Yeni il günü 100 000 AZN-ə yaxın qonorar alacaq.

Xalq artisti Aygün Kazımova da Yeni il gecəsi Bakıda çıxış edəcək. Ppo diva 4 fərqli məkanda pərəstişkarlarını öz ifaları sevindirəcək. Kulislərdə gəzən məlumata görə, Xalq artisti bir çıxışı üçün 40 000 AZN qonorar alacaq.

Əməkdar artist Elton Hüseynəliyev Yeni il günü xarici ölkələrdən birində səhnə alacaq. Saytımızın əldə etdiyi məlumata əsasən, ifaçı ərəb ölkələrindən birində 30 000 dollar (təxminən 51 000 AZN) qonorar qarşılığında səhnəyə çıxacaq.

Əməkdar artist həmin gün Lalə Məmmədova paytaxtda çıxış edəcək. İfaçı 20 dəqiqəlik çıxışından 8000 AZN qazanacaq.

Müğənni Nigar Camal paytaxtda məkanlardan birində 10 000 AZN qarşılığında öz ifaları ilə sevənlərini feyziyab edəcək.

Müğənni Elçin Cəfərov Yeni il günü 20 dəqiqəlik çıxışından 10 000 AZN qazanacaq.

Müğənni Samirə Əfəndi bayram günü çıxışından 8000 AZN qonorar əldə edəcək.

Müğənni Mehin Hümbətova dilbər guşələrimzidən olan Qusarda səhnəyə çıxacaq. O, 20 dəqiqəlik çıxışı üçün 8000 AZN qazanacaq.

Fotosessiyaları və dinmaik mahnıları ilə gündəmdən düşməyən müğənni Dilarə Kazımova Yeni il çıxışından 3000 AZN qazanacaq.

Səhnəmizin ekstravaqant müğənnisi Samir Bağırov həmin gün 2500 AZN-ə səhnəyə çıxacaq.

Son günlər "Çağır məni" ifası ilə trend olan gənc müğənni Nuran paytaxtın 8 məkanında ifalarını səsləndirəcək. Sənətçi hər çıxışından 2000 AZN qonorar alacaq.