"Xüsusi hərbi əməliyyat"ın bitməsi, yeni pandemiyalar və nüvə silahının tətbiqi..."   "2024-cü ilin sonunda dünyanın bəzi guşələrində nüvə silahından istifadə edilməsi istisna edilmir..."   "Ukraynada "xüsusi hərbi əməliyyat" hüquqi cəhətdən başa çatacaq..."   "İsrail və Fələstin aprel-iyun aylarında razılıq əldə edəcək..."   Tanınmış astroloq Tamara Qloba 2024-cü il üçün böyük proqnoz verib.   Son.az moderator.az-a istinadən xəbər verir ki, bu barədə o, Nadejda Streletsə verdiyi müsahibəsində bölüşüb. Məlumatı "gorodkirov.ru" nəşri yazıb.   Tamara Qlobanın fikrincə, dünyamıza qədəm qoyan yeni ilin ikinci dünya savaşı dövrü ilə astroloji oxşarlığı olacaq.   Bu il həmçinin Yaşıl Taxta Əjdaha ili olacaq. Mifik varlıq olan Əjdaha uğur rəmzidir, sülhə və yeni nəsə yaratmağa çalışanlar müsbət nəticələr əldə edəcək.    Lakin qəzəbli Əjdaha özünün yaratdıqlarını dağıda bilər.   Hərbi münaqişələr harada mümkündür və nüvə silahından potensial istifadə edilməsi   2024-cü il əsasən sülhə və əmin-amanlığa yönəlməyə kömək edəcək. Lakin ilin əvvəli və sonunda Afrika və Latın Amerikasında məhdud hərbi münaqişələr baş verə bilər. Bundan başqa, 2024-cü ilin sonunda dünyanın bəzi guşələrində nüvə silahından istifadə edilməsi istisna edilmir.   Ukraynada "xüsusi hərbi əməliyyat"ın başa çatması   Astrploqun fikrincə, hüquqi cəhətdən Ukraynada "xüsusi hərbi əməliyyat" 2024-cü ildə başa çatacaq. Münaqişənin bütün tərəfləri gözləmə mövqeyi tutacaq, problemlər isə 2029-2031-ci illərdə yenidən kəskinləşəcək. Lakin 2032-ci ildə "yeni era"nın başlanmasını gözləmək olar.   Yaxın Şərqdə münaqişənin çözülməsi   İsrail və Fələstin, ehtimal ki, aprel-iyun aylarında razılığa gələcək. Fələstin tələblərinin bir hissəsini əldə edilməsinə qane olacaq, bu da regionda əhəmiyyətli dəyişikliklərə gətirib çıxaracaq.   Yeni ildə Rusiyanın perspektivləri   Əcnəbilər yeni şirkətlər yaratmaq və müəssisələr inşa etmək üçün Rusiyaya axışacaq, dövlətə isə onlara nəzarəti gücləndirmək lazım gələcək. Maliyyə böhranı gözlənilmir, lakin müvəqqəti çətinliklər yarana bilər.   Digər ölkələrin perspektivləri   ABŞ prezidenti seçkilərində praqmatik və sülh tərəfdarı olan "üçüncü namizəd" qələbə qazana bilər. Çin və müsəlman ölkələri öz mövqelərini möhkəmləndirəcək, bu zaman Yaponiya iqtisadi tənəzzül və təbii fəlakətlərlə üzləşəcək.    Birləşmiş Ərəb Əmirlikləri enerji təchizatında problemlərlə üzləşə bilər, bu zaman vəziyyətin sabit olacağı Almaniya və Portuqaliya istisna olmaqla Avropada 2030-cu ilin sonunda qarşıdurma gözlənilir.   Maliyyə perspektivləri və ən yaxşı yatırımlar   Astroloq əmanətləri həm rubl, həm də xarici valyitada saxlamağı məsləhət görüb. İlin birinci yarısında Amerika valyutası zirvəyə dönə bilər, lakin payız və qışda ABŞ iqtisadiyyatının tənəzzülü gözlənilir.   Bütün ölkələr rəqəmsal valyutaya keçməkdə davam edəcək, kağız pullar ola bilsin ki, 2026-cı ildən başlayaraq tədricən yoxa çıxacaq. Ən yaxşı investisiyalar kənd təsərrüfatı, torpaq və inşaat sahəsi ilə bağlı olacaq.   Səyahətlər perspektivləri   2024-cü ilin əvvəli və sonunda bəzi ölkələr turistlər üçün bağlana bilər, bir çox ölkələr viza siyasətini sərtləşdirəcək.    Yaxın Şərq, Cənub-Şərqi Asiya, Cənubi Amerika və Latın Amerikasına səyahətlər xeyli çətinləşəcək. Lakin digər ölkələr özlərini itirməyəcək və turist axınını gözləyərək sərhədlərini açacaq.    2024-cü ildə nəqliyyatla bağlı problemlər yarana bilər, çünki köhnə texnika kütləvi şəkildə sıradan çıxacaq. Yeni ilin bayram günləri və növbəti bir neçə ayda, habelə avqust və sentyabrda təyyarələrlə uçuşlardan yan keçmək tövsiyə edilir.   Yeni pandemiyalar və ekoloji fəlakətlər riski   Yeni COVİD-19 pandemiyası gözlənilmir, lakin elmə məlum olmayan yeni infeksion xəstəliklər meydana çıxa bilər. Xüsusilə güclü daşqınlar səbəbindən ekoloji fəlakətlər riski mövcuddur, bu da zəhərli maddələrin su hövzələrinə düşməsinə gətirib çıxara bilər.   Yeni məşhurlar   2024-cü ilin birinci yarısında münaqişələrin nizamlanmasına kömək edən populyar şəxslər- "sülhməramlılar" populyarlıq qazanacaq. Həmçinin "Böyük yeddilik" birliyinə daxil olmayan ölkə siyasətçiləri- "yeni liderlər" mühüm rol oynayacaq.   İT mütəxəssisləri və ixtiraçılar, habelə pedaqoqlar dönmədən diqqət mərkəzində olacaq və onların nailiyyətləri qeyd olunacaq. İdmançılar həmçinin dünya miqyasında öz nailliyyətləri ilə sevindirməkdə davam edəcək.