Bir neçə gün öncə PSJ-nin hücumçusu Neymarın yenə fevralda zədələnərək aradan çıxdığı barədə məlumat vemişdik. Bunu səbəbi martın 11-də doğum gününü qeyd edəcək Raffaelladır. Narahat olmayın, adıçəkilən xanım onun sevgilisi deyil, bacısıdır. Neyin sevgi macəraları ilə bağlı bir neçə gün əvvəl yazmışıq.

Yenə qayıdaq Raffaellaya. Məhz ona görə braziliyalı ulduz davamlı olaraq martın əvvəlində komandasının oyunlarını buraxır. Neymar, sanki həmin günü qaçıra bilməz. Son.az bildirir ki, həftəsonu "Lill" ilə oyunda topuğundan zədə alan "sambaçı"nın dörd həftə yaşıl meydanlardan uzaq qalacağı artıq dəqiqəşib. Futbolçunun qəsdən topuğunu zədələdiyini söyləmək olmaz. Lakin əvvəlki illərdə o, bacısının ad günündə iştirak etmək üçün dəfələrlə zədələrdən sağalma müddətini uzadıb. Braziliyada belə dəbdəbəli həyat sürən insanların, qohumlarını şəxsən təbrik etmək kimi müasir adəti var. Eynən bizdəki kimi...

Neymarın bu cür fədakarlıqlar etdiyi Raffaella qardaşı ilə yanaşı, Devid Bekhemin fanatıdır. O, məhz sabiq yarımmüdafiəçinin şərəfinə Bekran soyadını götürüb. Neymarın bacısı britaniyalı yarımmüdafiəçiyə çox bağlıdır. Ona görə də 26 yaşlı gözəlin tam adı Raffaella Santos Bekrandır.

Raffaella model kimi də fəaliyyət göstərir. Buna görə xarici görkəminə xüsusi ilə diqqət yetirir. Bu yaxınlarda liposaksiya əməliyyatı keçirdiyini etiraf edib. Onun ombası Latın Amerikasının gözəllik standartlarına cavab verir. O, eyni zamanda sosial şəbəkələrdə də kifayət qədər aktivdir. (publika)