Vurulan təyyarəmizlə bağlı Rusiyadan Azərbaycana Şok məktub
Digərləri 06 Yan 2026 20:23:00 80 0
Rusiya İstintaq Komitəsinə aid olduğu deyilən məktub yayılıb.
Bu xəbəri də oxu: Azərbaycanlı ovçu 400 kqlıq Nil timsahını OVLADI
Son.az qafqazinfo-ya istinadən xəbər verir ki, "BT News" teleqram kanalı həmin sənədi dərc edib.
Artıq Azərbaycanın Baş Prokurorluğuna ünvanlandığı qeyd edilən məktubda bildirilir ki, "AZAL-a məxsus təyyarə Rusiyada əlverişsiz hava şəraiti səbəbindən yerə enə bilməyib, daha sonra eniş zamanı yerə çırpılıb. Bu əsasda cinayət işinə xitam verilib".
Sözügedən məktubla bağlı hərbi ekspert Ədalət Verdiyev sosial şəbəkə hesabında paylaşım edib:
"Rusiya Federasiyasının İstintaq Komitəsi günahı "hava şəraitində" görürsə, cinayət işinə hansı əsasla xitam verir?
Bu halda, ölümlərə görə məsuliyyət daşıyanların məsuliyyətdən yayındırmaq cəhdi aşkar şəkildə ortaya çıxır. Faciəyə görə məsuliyyət daşıyan Rusiya tərəfidir:
AZAL təyyarəsi "Pantsir-S1" hava hücumundan müdafiə kompleksindən buraxılan raket ilə vurulub və sənəddə təsvir etməyə çalışıldığı kimi, sonradan hava limanının özündə deyil, Aktau hava limanı yaxınlığında qəzaya uğrayıb.
Rusiya İstintaq Komitəsinin sədri Bastrikinin imzaladığı sənədin məzmunu Rusiya Prezidenti Vladimir Putinin 9 oktyabrda Düşənbədə MDB Dövlət Başçıları Şurasının iclası çərçivəsində səsləndirdiyi rəsmi mövqeyi ilə birbaşa ziddiyyət təşkil edir. Həmin vaxt Putin AZAL mülki təyyarəsinin Rusiya Silahlı Qüvvələrinin hava hücumundan müdafiə əməliyyatları nəticəsində qəzaya uğradığını etiraf etmiş və "bu cür vəziyyətlərdə tələb olunan hər şeyi etməyə" hazır olduğunu bildirmişdi".
Qeyd edək ki, XİN rəhbəri Ceyhun Bayramov 26 dekabrda ilin yekunlarına dair mətbuat konfransında bildirib ki, yaxın günlərdə Azərbaycana Rusiya İstintaq Komitəsi tərəfindən imzalanmış məktub təqdim edilib.
"Bu məktubda Azərbaycanın ciddi təəccübünü doğuran məqam var idi. Bunlardan biri Rusiya İstintaq Komitəsinin rəhbəri Aleksandr Bastrıkinin məsələ ilə bağlı cinayət işinə xitam verməsi barədə məlumat olub. Bu, ciddi suallar yaradır və təəccüb doğurur", - deyə o, əlavə edib. Son.az
Xəbərə aid video
Azərbaycanın azad edilmiş ərazilərinin minalardan təmizlənməsi üzrə t�
Milli Cəbhə Partiyasının sədri, Milli Məclisin deputatı Razi Nurullayevin
Azərbaycan İnvestisiya Holdinqində İctimaiyyətlə əlaqələr şöbəsinin
Əməkdar artist Dilarə Əliyeva "Afaqla onlar" verilişində qonaq o
Bu gün Qeyri-Hökumət Təşkilatlarına Dövlət Dəstəyi Agentliyinin yeni t
Dövlət Gömrük Komitəsi "daşınar əşyanın sahibsiz hesab edilməsi&
"Bakı Beynəlxalq Dəniz Limanı" MMC-nin direktor müavini Söhrab �
Bu gün Qeyri-Hökumət Təşkilatlarına Dövlət Dəstəyi Agentliyinin yeni t
Praqa hava limanında Praqa-Bakı marşrutu üzrə reysin uçuşundan əvvəl t�
"Enerji resurslarından səmərəli istifadə və enerji effektivliyi haqq�
Azərbaycan Prezidenti İlham Əliyevin yerli televiziyalara müsahibəsi ərəb
"Kanal D"nin ən çox izlənilən ekran işlərindən biri olan, baş
Bakıda tibb müəssisəsinin həyətində ölüm hadisəsi baş verib.
ABŞ Prezidenti Donald Trampın etirazçıların öldürüləcəyi təqdirdə İ
