Şorbanı möhtəşəm edən detal İlk 20 dəqiqə qapağı...

Digərləri 27 Noy 2025 08:41:00 78 0

Mətbəxə girən hər kəsin əsas məqsədlərindən biri az ərzaqla ən yaxşı dadı əldə etməkdir. Şorba bişirərkən qazanının qapağını açıq saxlamaq, yoxsa örtmək barədə sual isə burada böyük fərq yarada bilər.

Son.az xəbər verir ki, şeflərin illərdir tətbiq etdiyi bu kiçik nüans əslində şorbanın xarakterini tamamilə dəyişir. İlk 20 dəqiqə qapağı açıq saxlamaq düşündüyünüzdən çox daha böyük təsir göstərir.

Bişirmə zamanı qapaq açıq qaldıqda şorba "nəfəs almağa" başlayır. Buxar qalxır, uçucu aromalar daha rahat ortaya çıxır və qazan içindəki suyun bir hissəsi buxarlanır. Bu da daha konsentratlaşdırılmış bir dad deməkdir. Bişirmə müddəti bir qədər uzansa da, xüsusilə ət və ya sümük əsaslı şorbalarda bu üsul qızıl dəyərindədir.

Təbii ki, hər şorba eyni qaydalarla bişmir. Qapağın açıq qalması bəzi reseptlərdə böyük üstünlük yaradır. Toyuq və ya ətlə hazırlanan şəffaf bulyonlarda qapağı açıq saxlamaq köpüyü rahat toplamağa kömək edir və suyun bir qədər azalması ilə daha duru, daha şəffaf nəticə verir. Həmçinin ağır qoxulu ətlər və ya güclü ədviyyatlar istifadə olunan şorbalarda qapağın açıq qalması qoxuları yumşaldır.

Qapağı bağlamağın da öz üstünlükləri var. Xüsusilə bişməsi uzun çəkən kartof, bulqur, noxud və ya mərcimək kimi ərzaqlarla hazırlanan şorbalarda qapağın bağlı qalması prosesi asanlaşdırır. Çünki istilik içəridə qalır və ərzaqlar daha tez yumşalır. Üstəlik daha az enerji sərf olunur və nəticə daha tez alınır.

Şeflər adətən iki mərhələli üsul tövsiyə edirlər:

Əvvəlcə qapağı açıq saxlayaraq aromaları gücləndirmək Daha sonra qapağı bağlayıb zəif odda davam etdirməklə dadı tam oturtmaq

Bulyon və ət əsaslı şorbalarda ilk 20-30 dəqiqə qapağın açıq qalması vacibdir. Bu, həm köpüyün asanlıqla alınmasını təmin edir, həm də şorbanı daha şəffaf edir. Sonrakı mərhələdə qapağın açıq və ya bağlı qalması çorbanın növündən asılıdır. Sümük və ət əsaslı reseptlər çox vaxt qapaqsız bişirilir. Tərəvəz və taxıllı şorbalar isə adətən qapağı bağlı şəkildə, zəif odda bişdikdə ideal qatıqlığa çatır.

Tomatlı və ya souslu şorbalarda əvvəlcə qapağı açıq saxlayaraq aromanı gücləndirmək, sonra qapağı bağlamaq və ərzaqların tam birləşməsinə imkan vermək ən effektiv üsuldur. Lalə Qüdrətova Son.az