Devizi "Fikir çəkmə, telefona çək" olan festivalın məqsədi Azərbaycanda gənclərin yaradıcı fəallığının dəstəklənməsi, onlar arasında mobil telefon vasitəsilə film istehsalının daha geniş tanıdılması, mobil çəkiliş sahəsində biliklərinin artırılması, istedadlı mobiloqraf və kinematoqrafların üzə çıxarılması, mobil filmin geniş imkanları vasitəsilə sosial dəyərlərin təbliği və istedadlı gənclər arasında yaradıcı əlaqələrin qurulmasıdır.

Mükafatlandırma Mərasimində çıxış edən layihənin təsisçisi və rəhbəri, kinoaktyor Ruslan Sabirli festivala 33 ölkədən 100-ə yaxın filmin qəbul edildiiyni, bunun keçən ilə nisbətdə təxminən 2 dəfə çox olduğunu söyləyib. Eləcə də festivalın cəmi 3 ildir keçirilməsinə baxmayaraq Google Axtarış sistemində CINEMO Film Festival axtarış nəticəsinin 5 milyonu keçdiyini vurğulamışdır.Bütün bunlar isə festivalın sürətlə inkişafından xəbər verdiyinin göstəricisi olduğunu vurğulayıb.

Daha sonra səhnədə Beynəlxalq və yerli münsiflər heyətinin üzvləri təqdim olunub:

Beynəlxalq müsabiqədə qalib seçilən "Ən yaxşı vloq" nominasiyası üzrə "Tasha tries Egypt!" (ABŞ, rej. Natasha Bodmer), "Ən yaxşı musiqi klipi" nominasiyası üzrə "Sluqwoman" (Yaponiya, rej. Kaho Sugisaki), "Ən yaxşı sənədli film" nominasiyası üzrə "The Happiness Experiment" (ABŞ, rej. Jaccii Farris), "Ən yaxşı qısametrajlı bədii film" nominasiyası üzrə "The last passenger" (Hindistan, rej. Subhankar Ghatak), "Ən yaxşı tammetrajlı bədii film" nominasiyası üzrə "Delta County" (ABŞ, rej. Gloria Iseli) və münsiflər heyətinin xüsusi mükafatı "Special Mention jury" nominasiyası üzrə "Salted Caramel" (Polşa, rej. Michał Węgrzyn) filmləri səhnədə elan olunaraq mükafatlandırılıblar.

Yerli müsabiqədə qalib seçilən "Ən yaxşı mobil foto" nominasiyası üzrə "Təhlükəsiz baryer" (Zülfiyyə İslamova), "Ən yaxşı musiqi çarxı" nominasiyası üzrə "Baş üstə" (rej. Səbuhi Abbasov), "Ən yaxşı sosial çarx" nominasiyası üzrə "Ağacın hekayəsi" (rej. Kövsər Qurban və Rəna Həsənli), "Ən yaxşı sənədli film" nominasiyası üzrə "Dördüncü divar" (rej. Siyarə Paşazadə), "Ən yaxşı bədii film" nominasiyası üzrə "Yer Kürəsinin sakinləri" (rej. Fərid Kərim) filmləri səhnədə elan olunaraq mükafatlandırılıblar.