“Əngəlsiz qayıdış” adlı filmin təqdimatı oldu
Digərləri 02 Noy 2024 22:40:00 50 0
"Alternativ" Kommunikasiya və Tədqiqatlar İctimai Birliyi Qeyri-Hökumət Təşkilatlarına Dəstək Dövlət Dəstəyi Agentliyinin donorluğu ilə reallaşdırdığı "Əngəlsiz qayıdış": minalarla mübarizə adlı layihəsinin icrasını yekunlaşdırıb.
Bu xəbəri də oxu: İnsanların yuxuda şəklini çəkmək olmaz
Son.az Trend-ə istinadən xəbər verir ki, layihənin əsas məqsədi azad olunan ərazilərə əngəlsiz qayıdışla bağlı vəziyyəti araşdırmaq, sakinlərin doğma yurdlarına qayıdışına mane olan mina problemi və onun yaratdığı fəsadları dünya ictimaiyyətinə çatdırmaq olub. Bu məqsədlə Azərbaycan və ingilis dillərində Qarabağ və Şərqi Zəngəzurda minalardan zərər çəkən mülki şəxslərin hekayələrini, minatəmizləmə əməliyyatlarını və əldə olunan nəticələri əks etdirən "Əngəlsiz Qayıdış" adlı qısametrajlı film çəkilib. Filmin geniş təqdimat mərasimi keçirilib. İctimai Birliyin sədri Anar Yusifzadə bildirib ki, layihənin məqsədi mina problemi və onun yaratdığı fəsadları dünya ictimaiyyətinə insan hekayələri vasitəsilə çatdırmaqdır. Filmin ssenari müəllifi Esmira Namiqqızı Füzuli rayonunun Alxanlı kəndində çəkilən film müharibənin faciəsini yaşayan - doğma yurdlarından məcburi köçkün düşən bir ailənin başına gələn hekayədən bəhs etdiyini söyləyib. Rejissoru Elnur Cəbrayılov olan filmin qəhrəmanı, minadan zərərçəkən Asif Əhmədov və iki şəhid, bir qazi anası Nailə Əhmədova çıxış edərək, insanları mina faciəsi yaşamamaq üçün ehtiyatlı olmağa çağırıblar.
Tədbirdə çıxış edən millət vəkilləri Ceyhun Məmmədov, Hikmət Babaoğlu, Elçin Mirzəbəyli, Tahir Rzayev, Sevil Mikayılova, Razi Nurullayev, Vüqar İskəndərov, "Konstitusiya" Araşdırmalar Fondunin prezidenti Əliməmməd Nuriyev, Qeyri-Hökumət Təşkilatlarına Dövlət Dəstəyi Agentliyinin Müşahidə Şurasının üzvü Zaur İbrahimli, Demokratiya və İnsan Hüquqları Komitəsinin sədri Çingiz Qənizadə, Bakı Politoloqlar Klubunun rəhbəri Zaur Məmmədov, təhlükəsizlik məsələləri üzrə ekspert İlham İsmayıl, Mətbuat Şurası İdarə Heyətinin üzvü Yadigar Məmmədli, "Cəmiyyətin İnkişafı Mərkəzi" İctimai Birliyinin sədri Əhməd Abbasbəyli, politoloq Anar Əliyev, "Qadın İslahatçıları və İnnovasiyalar" İctimai Birliyinin sədri Vüsalə Hüseynli, jurnalist Elşad Məmmədli, Bəxtiyar Hacıyev, nəqliyyat məsələləri üzrə ekspert Rauf Ağamirzəyev filmin peşəkarlıqla hazırlandığını, olduqca təsirli olduğunu və cəmiyyətə çoxsaylı sosial mesajlar verdiyini bildiriblər.
Türkiyənin Hatay vilayətinin Arsuz rayonunda baş verən meşə yanğını ev
İnfluenser Mehin Oktaylının (iconmekh) səhhətində problem yaranıb.
Türkiyənin Afyonkarahisar şəhərində 10 avtomobil toqquşub.
Adıgey Respublikasında yeni doğulmuş uşaq aclıqdan ölüb.
Zaqatalada iki nəfər dəm qazından zəhərlənib.
Əməkdar artist Rəşad İlyasovun həyat yoldaşı Gülnarə İlyasova ilə ne
ABŞ-nin Missuri ştatında məktəbə 30 ildən çoxdur bu müəssisədə çal�
Vitaminlər metabolik proseslərdə əsas rol oynayır və hüceyrələrin, toxu
Bu gün İranın ali rəhbəri Əli Xamenei ölkənin müxtəlif bölgələrind�
Adına tez-tez rast gəldiyimiz xolestrin yaxşı və pis olmaqla iki növə ay
Azərbaycanda xroniki və nadir xəstəliklərin müalicəsi zamanı istifadə o
Xalq artisti Mələkxanım Eyubovanın nəvəsi Adil əməliyyat olunub.
İran Prezidenti Məsud Pezeşkian özəl sektor və xarici investorların İran