Son.az publika.az-a istinadən xəbər verir ki, bu barədə illik qlobal hesabat hazırlayan Avropa İttifaqının Kopernik xidmətinin mütəxəssisləri məlumat verib.

Tədqiqatçılar qeyd ediblər ki, 2023-cü il bu statusu bir sıra gündəlik və aylıq rekordlar sayəsində alıb - iyundan dekabr ayına qədər mütəxəssislər Yer kürəsində misli görünməmiş hava istiliyini qeydə alıblar. Nəticədə ötən il tarixin ən isti ili hesab edilən 2016-cı ili böyük fərqlə üstələdi. Son bir ildə Yer kürəsində orta temperatur 2016-cı illə müqayisədə 0,17 dərəcə yüksək olmaqla 14,98 dərəcə təşkil edib.

Bundan əlavə, 2023-cü ildə orta temperatur sənayedən əvvəlki dövrdə (1850-1900-cü illər arasında) eyni parametrlə müqayisədə 1,48 dərəcə Selsi yüksək olmuşdur. Eyni zamanda, 2023-cü ilin bəzi günləri sənayedən əvvəlki dövrə nisbətən iki dərəcədən çox isti olub, Paris iqlim sazişinə uyğun olaraq, iştirakçı ölkələr qlobal istiləşməni yuxarıdakı dövrdən 1,5 dərəcə yuxarı həddə məhdudlaşdırmalıdırlar.

Mütəxəssislər izah ediblər ki, həddindən artıq istilərin əsas səbəblərindən biri Sakit okeanın ekvatorial hissəsində suyun səth qatının temperaturunun dəyişməsi ilə bağlı El Nino fenomeninin təsiri olub. Planetin istiləşməsinə səbəb olan digər amillərə iri meşə yanğınları və istixana qazlarının konsentrasiyasının artması daxildir.

Bir gün əvvəl elm adamları 2024-cü ilin 2023-cü ili keçəcəyini və tarixin ən isti ili olacağını etiraf ediblər.

Son.az Xəbərlərimizi WhatsApp kanalımızdan da oxuyun