Hovannisyan bəyan edib ki, İrəvan həm Avropa, həm də Rusiya və İran tərəfdaşları ilə Ermənistan dövlətinin maraqlarına əsaslanaraq fəal xarici siyasət aparır. "Aİ-nin monitorinq missiyası mülki missiyadır, heç kimə qarşı yönəlməyib. Missiya Ermənistan sərhədlərində vəziyyətə nəzarət edəcək. Sizdən xahiş edərdim ki, burada heç bir geosiyasi kontekst axtarmayasınız", - Artur Hovannisyan bildirib.

Bu izahat, yəqin ki, Dövlət Dumasının spikeri Vyaçeslav Volodinin başçılıq etdiyi rusiyalı siyasətçilərin və yüksək rütbəli məmurların tənqidinə cavab sayıla bilər. "Nezavisimaya qazeta" yazır ki, onlar İrəvanın hərəkətlərində geosiyasi dönüşün əlamətlərini tapırlar. Bu tənqidə KTMT də qoşulub. Kollektiv Təhlükəsizlik Müqaviləsi Təşkilatının (KTMT) Birləşmiş Qərargahının rəhbəri Anatoli Sidorov keçirdiyi mətbuat konfransında təşkilatın məsuliyyət zonasında vəziyyətin gərgin olduğunu bildirib. Bildirib ki, çağırışların və təhdidlərin əsas mənbəyi bəzi Qərb dairələrinin KTMT ətrafında və ona üzv olan bəzi dövlətlər daxilində sabitliyə xələl gətirən destruktiv fəaliyyətidir.

"Diqqət NATO-nun hücum infrastrukturunun Belarus və Rusiyanın qərb sərhədlərinə qədər irəliləməsinə, Baltikyanı ölkələrin aqressiv ritorikası və Ukrayna böhranı fonunda artan hərbi fəallığa yönəlib. Ermənistan-Azərbaycan sərhədində yüksək münaqişə potensialını nəzərə alaraq, ayrı-ayrı dövlətlərin Qafqazda öz mövqelərini möhkəmləndirmək, Xəzər dənizinin sərvətlərinə çıxış əldə etmək və Mərkəzi Asiyaya birbaşa çıxış əldə etmək cəhdləri Ermənistan-Azərbaycan sərhədində böhranın kəskinləşməsinə şərait yaradır", - Sidorov bildirib.

Rusiyanın Cənubi Qafqazdakı rolunu sabitləşdirən adlandıran hərbçi vurğulayb ki, "Vaşinqton və Brüssel Ermənistanın KTMT-yə üzvlüyünə baxmayaraq, münaqişədən sonrakı nizamlanmaya dair öz baxışlarına malikdir. Təhlükəsizlik modeli formatını tətbiq etməyə və KTMT-nin səylərini bərabərləşdirməyə çalışırlar".

Azər Nuriyev Son.az