Son.az "Report"a istinadən xəbər verir ki, bu barədə ABŞ-ın Müharibə Araşdırmaları İnstitutu məlumat yayıb.

Bildirilib ki, bəzi rusiyalı fəallar S.Şoyqunu hərbi forma alqı-satqısında ittiham edirlər: "Onlar müdafiə nazirini istefaya çağırırlar. İddialara görə, həmçinin yeni formalar keyfiyyətsiz və bahadır. Bir formanın qiyməti təxminən 130-210 min rubldur. "Vaqner" muzdlu hərbi təşkilatına yaxın mənbələr Şoyqunun xalq qarşısında etibarını itirdiyini bildirirlər. Onların fikrincə, Rusiya Prezidenti Vladimir Putin müdafiə nazirini işdən çıxarandan sonra vəziyyət düzələ bilər".

Məlumatda, həmçinin bildirilib ki, "Vaqner" muzdlu hərbi təşkilatının maliyyəçisi Yevgeni Priqojin məhbusların "Vaqner"çilərin sırasına daxil edilməsi prosesinin tamamilə dayandırıldığını bildirib: "Məhbusların "işə götürülməsində" müəyyən məhdudiyyətlər ola bilər. Amma proses davam edəcək".

ABŞ analitiklərinin fikrincə, Rusiya müharibəyə nə qədər tankla başlamışdısa, onlardan yarısını itirib: "Rusiyanın Təhlükəsizlik Şurasının sədr müavini Dmitri Medvedev deyib ki, müxtəlif silahların, həmçinin tankların istehsalı artırılmalıdır. Yəqin ki, bu, itkiləri kompensasiya etmək üçündür".