Son.az xəbər verir ki, mütəxəssislərin söylədiklərinə görə, yeməkdən dərhal sonra içiləcək təbii bir qarışım həzm sistemini rahatlaşdırmaq üçün ən təsirli vasitələrdən biridir. Bu qarışım mədənin turşuluq balansını tənzimləyir, bağırsaq hərəkətlərini sürətləndirir və qazın yaranmasının qarşısını alır. Kimyəvi dərmanlardan fərqli olaraq, bu təbii vasitə orqanizmə zərər vermədən rahatlıq təmin edir.

Zəncəfil - Güclü həzm dəstəkləyicisi

Zəncəfil, yemək sonrası qarında yaranan şişkinliyin qarşısını almaqda ən təsirli təbii məhsullardan biridir. O, mədəni sakitləşdirir, qazın toplanmasının qarşısını alır və həzmi sürətləndirir. Yeməkdən sonra dörddəbir stəkan zəncəfil suyu və ya zəncəfil çayı içmək, mədə yanması və qaz probleminin qarşısını almağa kömək edir.

Nanə - Təbii sakitləşdirici

Nane, mədə əzələlərini rahatlaşdırır, spazmları azaldır və qazın orqanizmdən çıxmasını asanlaşdırır. Bununla yanaşı, mədə turşusunun səviyyəsini tənzimləyərək yanma hissini aradan qaldırır. Yeməkdən sonra içilən dörddəbir stəkan nanə çayı, mədə və bağırsaqlarda yaranan narahatlığı qısa müddətdə aradan qaldırır.

Limon suyu - Təbii həzm stimulyatoru

Bir çox insan yeməkdən sonra sadəcə su içməklə kifayətlənir. Lakin həmin suya bir neçə damcı təzə limon suyu əlavə etmək, həzm prosesini daha da sürətləndirə bilər. Limonun tərkibindəki təbii turşular mədəni hərəkətə gətirir və qidanın daha tez həzm olunmasını təmin edir.

Alma sirkəsi - Həzm üçün əvəzolunmaz vasitə

Alma sirkəsi mədə turşusunu balanslaşdıraraq həzmi asanlaşdırır və qazın yaranmasının qarşısını alır. Eyni zamanda, mədə yanmasının qarşısını almaqda da çox təsirlidir. Yeməkdən sonra bir stəkan suya bir neçə damla alma sirkəsi əlavə edərək içmək, həzm sisteminin daha səmərəli işləməsinə kömək edir.

Qeyd edəki ki, bu təbii vasitələr sağlamlığa ümumi dəstək məqsədilə istifadə edilməlidir. Əgər davamlı mədə narahatlıqları yaşayırsınızsa, mütləq həkimə müraciət etməyiniz tövsiyə olunur.

Hüseyn Son.az