Qoç Bu gün daxili dünyanızda böyük bir yaradıcılıq enerjisi hiss edə bilərsiniz, lakin Merkuri retrosu bu enerjini xarici dünyaya düzgün ötürməyinizə mane olur. Özünüzü nümayiş etdirmək, diqqət mərkəzində olmaq istəsəniz də, səhv başa düşülmə ehtimalınız yüksəkdir. Xüsusilə sevgi münasibətlərində keçmişdən gələn mövzular yenidən alovlana bilər. Köhnə bir partnyordan xəbər almaq sizi emosional sınağa çəkəcək. Hər hansı bir yeni addım atmazdan əvvəl hisslərinizi süzgəcdən keçirməli və tələsik qərarlar verməməlisiniz.

Buğa Diqqətiniz tamamilə daxili aləminizə, evinizə və köklərinizə yönəlib. Dünyadakı xaos və müharibə xəbərləri sizi təhlükəsizlik axtarışına sövq edir. Ailə daxilində gizli qalmış bəzi məsələlər və ya illər öncə yaranmış incikliklər yenidən müzakirə oluna bilər. Evdə təmir və ya dekorasiya dəyişikliyi istəyiniz artsa da, material seçimi və ya sənədləşmə işlərində ləngimələr yaşaya bilərsiniz. Bu günü ailə böyükləri ilə vaxt keçirmək və mənəvi güc toplamaq üçün istifadə etməyiniz məsləhətdir.

Əkizlər Ünsiyyət sahənizdə böyük bir hərəkətlilik var, lakin Merkurinin geri hərəkətdə olması sizi "informasiya kirliliyi" ilə üz-üzə qoyur. Eşitdiyiniz hər şeyə inanmamalı və rəsmi məlumatları yoxlamadan paylaşmamalısınız. Yaxın ətrafınız, qardaş-bacılarınız və ya qonşularınızla olan münasibətlərdə qürur məsələləri gərginliyə səbəb ola bilər. Texnoloji cihazlarınızda gözlənilməz nasazlıqlar yaşana bilər, buna görə də vacib məlumatlarınızı nüsxələməyi unutmayın.

Xərçəng Maddi resurslarınız və özünüzə verdiyiniz dəyər bu günün əsas imtahanıdır. Pullarınızı idarə edərkən emosional davranmağa meyllisiniz. "Özümü yaxşı hiss etmək üçün xərcləməliyəm" düşüncəsi sizi gələcəkdə çətinliyə sala bilər. Keçmişdən qalan bir borc və ya yarımçıq qalmış bir ödəniş məsələsi yenidən gündəmə gələcək. İntuisiyanızın güclü olduğu bir gündür, daxili səsiniz sizə hansı addımın daha təhlükəsiz olduğunu pıçıldayacaq.

Şir Ay sizin bürcünüzdə hərəkət edir və bu, sizə inanılmaz bir cazibə və liderlik vasfı qazandırır. Lakin göy üzündəki digər planetlərin dumanlı təsiri bu parlaqlığı kölgələyə bilər. Ətrafınızdakı insanlar sizdən ümid və istiqamət gözləyir. Lakin şəxsi ambisiyalarınızla kollektiv kədər arasında qalmaq sizi yora bilər. Bu gün özünüzü hər kəsə sübut etmək yerinə, sahib olduğunuz gücü başqalarına dəstək olmaq üçün istifadə etsəniz, daha böyük hörmət qazanacaqsınız.

Qız Sizin üçün daxili analiz və ruhsal təmizlik günüdür. Xarici dünyadan bir qədər təcrid olunmaq və tək qalmaq istəyə bilərsiniz. Merkurinin geri hərəkəti sizin bilinçaltınızda köhnə qorxuları və ya peşmanlıqları üzə çıxara bilər. Gizli düşmənləriniz və ya arxanızca danışılan sözlərlə bağlı bəzi həqiqətləri öyrənə bilərsiniz. Bu məlumatları emosional deyil, soyuqqanlı şəkildə dəyərləndirməyə çalışın. Sağlamlığınıza, xüsusən yuxu rejiminizə diqqət yetirin.

Tərəzi Sosial mühitlərdə və dostluq qruplarında aktivliyiniz artır. Köhnə bir dostunuzla görüşmək və ya bir zamanlar iştirak etdiyiniz sosial layihəyə yenidən qayıtmaq üçün əla zamandır. Lakin gələcəyə dair planlarınızda bəzi qeyri-müəyyənliklər yarana bilər. İnsanlarla münasibətdə "mən" mərkəzli davranan şəxslər sizi narahat edə bilər. Ədalət və balans axtarışınızda diplomatik bacarıqlarınızı işə salmalı olacaqsınız.

Əqrəb Karyeranızda və cəmiyyət arasındakı nüfuzunuzda mühüm bir dönəmdəsiniz. Rəhbər vəzifəli şəxslərlə və ya ailə böyükləri ilə olan münasibətlərinizdə təmkinli olmalısınız. Keçmişdə etdiyiniz bir işin nəticəsi və ya buraxdığınız bir səhv yenidən qarşınıza çıxa bilər. Bu, səhvləri düzəltmək və daha güclü bir imic yaratmaq üçün verilmiş bir şansdır. Peşəkar həyatınızda radikal dəyişikliklər etmək üçün martın sonunu gözləmək daha məqsədəuyğundur.

Oxatan Həyat fəlsəfənizi, inanclarınızı və gələcəyə baxışınızı sorğuladığınız bir gündür. Uzaq səfərlər və ya xarici əlaqələrlə bağlı planlarınızda gözlənilməz ləngimələr və ya sənəd problemləri yaşana bilər. Akademik mühitdə və ya hüquqi məsələlərdə köhnə bir mövzunun yenidən araşdırılması lazım gələcək. Dünyadakı hadisələrə daha geniş perspektivdən baxmaq qabiliyyətiniz bu gün sizin ən böyük silahınız olacaq.

Oğlaq Maliyyə məsələləri, xüsusən ortaq pullar, bank əməliyyatları və sığorta işləri diqqət mərkəzindədir. Maddi böhranları idarə etmək bacarığınız bu gün sınağa çəkilə bilər. Psixoloji olaraq dərin bir transformasiya prosesindən keçirsiniz; köhnəlmiş və sizə artıq fayda verməyən vərdişlərinizdən qurtulmaq üçün daxili güc tapacaqsınız. Gizli və ya ezoterik mövzulara marağınız ata bilər, lakin hər duyduğunuza inanmamağa çalışın.

Dolça Diqqətiniz tamamilə ikili münasibətlərə və tərəfdaşlıqlara yönəlib. Həyat yoldaşınız və ya iş ortağınızla keçmişdən qalan, həll olunmamış məsələləri müzakirə etmək məcburiyyətində qala bilərsiniz. Qarşı tərəfin sizdən gözlədiyi diqqət və tərif bir az boğucu görünə bilər. Münasibətlərdə balansı qorumaq üçün həm öz azadlığınızı qorumalı, həm də qarşı tərəfin hisslərinə hörmətlə yanaşmalısınız. Rəqibləriniz bu gün aktivləşə bilər, ayıq-sayıq olun.

Balıqlar Merkuri sizin bürcünüzdə retro hərəkətdədir, bu da sizi zehni dumanlılıq və unutqanlığa sövq edir. Gündəlik iş rejiminizdə xırda detalları gözündən qaçıra bilərsiniz. Sağlamlıq məsələləri, xüsusən ayaqlarınız və sinir sisteminiz bu gün xüsusi diqqət tələb edir. İş yerində kolleqalarınızla olan ünsiyyətdə qeyri-müəyyən ifadələrdən qaçın. Bu günü yeni işlərə başlamaq üçün deyil, mövcud vəziyyəti analiz etmək və yarımçıq işləri nizama salmaq üçün istifadə edin. Lalə Qüdrətova Son.az