Aytac Qasımova: ‘LEGIS’ ilə Azərbaycan hüquq icmasına yeni nəfəs veririk

Digərləri 05 Fev 2026 13:27:00 71 0

2025-ci ilin ölkəmizdə hüquq, ədalət və suverenlik ili kimi qeyd olunması hüququn dövlətçilik sistemimizdə tutduğu yeri bir daha ön plana çıxardı. Hüquq təkcə normativ aktlar toplusu deyil.

Son.az xəbər verir ki, bu fikirləri "PAŞA Holding" MMC-nin Hüquq və dövlət qurumları ilə əlaqələr departamentinin direktoru Aytac Qasımova bu gün Bakıda keçirilən "LEGIS" Beynəlxalq Hüquq Forumunda çıxışı zamanı deyib.

"Hüquq suverenliyin və hüquqi dövlətin əsas sütunlarından biridir. "Legis" konsepsiyası ilk gündən bir günlük tədbir kimi nəzərdə tutulmayıb. Məqsədimiz Azərbaycan hüquq icmasını dəstəkləyən, onun davamlı inkişafını təmin edən bir platforma yaratmaq olub. Bu yanaşma ilə biz artıq bir sıra konkret addımlar atmışıq", - Aytac Qasımova qeyd edib.

"PAŞA Holding" rəsmisi bildirib ki, Türkiyənin aparıcı hüquq və biznes qurumları ilə görüşlər keçirilib, fikir mübadiləsi aparılıb, təcrübələr bölüşülüb:

"Türkiyənin müxtəlif bölgələrində hüquq sahəsində təhsil alan azərbaycanlı tələbələrlə görüşüb, onların problemləri ilə maraqlanmış və imkanlarımız daxilində dəstək göstərməyə çalışmışıq. Paralel olaraq Azərbaycanda müvafiq dövlət qurumları və hüquq ictimaiyyəti ilə əlaqələr qurub, "Legis" təşəbbüsünün davamlılığı və inkişafı üçün hansı institusional addımların atılmalı olduğu barədə müzakirələr aparmışıq.

Bu görüşlər nəticəsində aydın oldu ki, hüquq icmasının ehtiyacları yalnız lokal təşəbbüslərlə qarşılanmamalıdır. Daha geniş və sistemli mexanizmə ehtiyac var. Məhz bu ehtiyacdan çıxış edərək "Legislation" layihəsi formalaşdı. Bu layihə beynəlxalq təcrübəyə və xüsusi biliklərə malik hüquq mütəxəssislərinin qanunvericilik ideya və təşəbbüslərini müvafiq dövlət qurumlarına çatdıran real mexanizm rolunu oynayacaq. Legis komandası olaraq biz biznes subyektlərini və hüquq icmasını narahat edən məsələləri toplayaraq aidiyyəti dövlət qurumlarına təqdim etməyi hədəfləyirik".

O vurğulayıb ki, bütün akademik standartlara cavab verən, lakin oxunaqlı və elmi-populyar formatda hazırlanan "Legis" jurnalı da ərsəyə gətirilib: