Son.az bu unikal saatlardan bəzilərini təqdim edir.

Cartier - Tank Louis

Sarı qızıldan hazırlanmış, tısbağa dərisindən qara qayışlı bu saatların Dianaya atası, 8-ci Qraf Spenser tərəfindən hədiyyə edildiyi güman olunur. Şahzadə üçün bu, gündəlik istifadə etdiyi model idi.

Patek Philippe - Calatrava

Sarı qızıldan hazırlanmış qolbaqlı bu saatlar Dianaya 20 illik ad günü münasibətilə şahzadə Çarlz tərəfindən hədiyyə olunmuşdu. Lakin boşandıqdan sonra o, bu saatları taxmağı dayandırdı.

Cartier - Tank Française

Sarı qızıldan hazırlanmış bu model, qolbağa inteqrasiya olunmuş fərqli korpusa malikdir. Diananın ölümündən sonra bu saatlar onun kiçik oğlu şahzadə Harriyə miras qaldı. Hazırda bu saatları Harriyin həyat yoldaşı Meqan Markl taxır.

Cartier - Panthère

Bu qızıl saatları Dianaya sevgilisi Dodi əl-Fayyed hədiyyə etmişdi. Panthère modeli dördbucaqlı, lakin küncləri yumrulanmış korpusu ilə fərqlənir.

Vacheron Constantin - Brilyantlı kokteyl saatı

Bu brilyantlı saatlar əvvəlcə İsveçrə tərəfindən kraliça II Yelizavetaya toy hədiyyəsi kimi təqdim edilmişdi. Kraliça daha sonra həmin qiymətli saati 1981-ci ildə oğlu şahzadə Çarlzla evlənərkən Dianaya toy hədiyyəsi olaraq vermişdi.

Patek Philippe - Calatrava 

1981-ci ildə Diananı Vindzor qəsrindəki Guards polo klubunda iki saatla birgə görüntüləmişdilər. Bunun çox duyğusal səbəbi var idi - şahzadə Çarlz poloda oynayarkən, Diana onun Patek Philippe saatlarını öz saatı ilə birlikdə taxırdı. Bu, onun sevgi və qayğı rəmzi idi. Şahzadə bu jesti bir neçə dəfə təkrarlamışdı - hələ münasibətləri isti olan dövrlərdə. Onun bu romantik hərəkəti həmin saatı əsl simvola çevirdi.

Asprey

Diana bu brilyant saatları Səudiyyə Ərəbistanının vəliəhd şahzadəsindən hədiyyə olaraq almışdı. Saatlar tam bir zərgərlik dəstinin tərkib hissəsi idi - dəst boyunbağı, qolbaq, sırğa və üzükdən ibarət idi. Daha sonralar Diana bu saatı çoker (boyunbağı) formasına salaraq yenidən düzəltdirmişdi. /Lent.az