Kriminal

"Məşhurlar və övladları" adlı konsert proqramı keçiriləcək

2017-06-23 16:52:00

Heydər Əliyev Sarayı daha bir yeni layihə təqdim edir.

Ermənistanda azərbaycanlı əsirlərin başına gətirilən

2017-06-23 16:32:00

"Dağlıq Qarabağın ermənilər tərəfindən işğalı edilməsindən indiyə qədər ən çox müzakirə edilən məsələlərdən biri də müharibə vaxtı itkin düşən 4 min azərbaycanlının taleyidir. Bu rəqəm rəsmi qurumlar tərəfindən təsdiq olunub. Ermənistan tərəfi bunu nə qədər təkzib etsə də, bu həqiqətdir".

"15 manata götürməliydim, eşitdim tutublar"

2017-06-23 12:55:00

Daşkəsən Rayon Polis Şöbəsinə 50 yaşlı Fikrət Bəhramovun narkotik vasitələrin qanunsuz dövriyyəsi ilə məşğul olduğu barədə məlumat daxil olub. Son.az ARB TV-ə istinadən xəbər verir ki, əməliyyat tədbirləri keçirən polis əməkdaşları çox keçməyib ki, rayon sakinini yaşadığı ünvanın yaxınlığında saxlayıblar. Onun üzərinə baxış keçirilən zaman məlumatın doğru olduğu üzə çıxıb. Daşkəsən Rayon Uşaq Musiqi Məktəbində qarmon üzrə dərs deyən müəllim Fikrət Bəhramov ilkin ifadəsi zamanı üzərindən aşkarlanan marixuananı yol kənarında tapdığını deyib. O, polisləri inandırmağa çalışıb ki, həmin narkotik vasitəni şəxsi istifadəsi üçün saxlayırmış. Fikrət Bəhramov - saxlanılan şəxs: "Mən yol qırağından sellofanı tapmışdım. Özüm istifadə etmək üçün götürmüşdüm. Evdən çıxarkən polis əməkdaşları saxladılar". Ancaq müəllimin polisi yanıltma cəhdi özünü doğrultmayıb. Əməliyyat-axtarış tədbirlərinin davamı olaraq Bəhramovun üzərindən aşkarlanan narkotik vasitəyə müştəri çıxan rayon sakini 46 yaşlı Daşqın Əliyev də saxlanılıb. Daşqın Əliyev - saxlanılan şəxs: "Zəngləşdik, bir saatdan sonra görüşməliydim. 15 manat verib, bir büküm şey götürməliydim. Çayçının yanında gözləyirdim. Bir də eşitdim ki, Fikrəti polislər aparıb". Faktla bağlı Daşkəsən Rayon Polis Şöbəsində cinayət işi başlanılıb, araşdırmalar davam etdirilir.

Bakıda mənzilə basqın: ölən və yaralananlar var FOTO

2017-06-23 08:39:00

Bakıda bir qrup şəxs mənzilə basqın edərək bir nəfəri qətlə yetirib, 2 nəfəri yaralayıb.  

Azərbaycanda marixuana satmaq istəyən müəllim saxlanılıb

2017-06-23 08:34:00

Daşkəsəndə narkotik vasitə olan marixuana satmaq istəyən musiqi müəllimi saxlanılıb.

ADGTTnın 89cu mövsümü "Çipollino" və "Yarımçıq qalmış"la yekunlaşacaq FOTO

2017-06-22 18:24:00

Azərbaycan Dövlət Gənc Tamaşaçılar Teatrı özünün 89-cu teatr mövsümünə yekun vurmağa hazırlaşır. Gərgin yaradıcılıq işləri, beynəlxalq qastrol və festivallar, maraqlı layihələr və premyeralarla yaddaqalan mövsüm yaşayan teatr elə mövsümə də yeni tamaşa ilə nöqtə qoymaq niyətindədir.

Elməddin əməliyyat olunub FOTO

2017-06-22 18:18:00

Son.az-a daxil olan məlumata görə, tanınmış aktyor Elməddin Cəfərov bu günlərdə əməliyyat olunub. O, burnundakı və boğazındakı artıq əti əməliyyat yolu ilə götüzdürüb. Hazırda özünü yaxşı hiss edən aktyor artıq iş başındadır.

Əli İnsanovun apellyasiya şikayəti rədd edildi

2017-06-22 16:46:00

Bakı Apellyasiya Məhkəməsində həbsdə olan sabiq səhiyyə naziri Əli İnsanovun Qaradağ rayon Məhkəməsinin hökmündən verdiyi apellyasiya şikayətinə baxılıb.

Afaq Bəşirqızı: "Mənim Nəsibə Zeynalovaya çatmağıma çox var" FOTO

2017-06-22 14:57:00

Son.az xalq artisti Afaq Bəşirqızının APA-ya müsahibəsini təqdim edir.   - Afaq xanım, telefonda dediniz, Sumqayıt Teatrında tamaşanız var. Gəlin, söhbətə elə Sumqayıtdan başlayaq...   - Bilirsiniz ki, Sumqayıt Dövlət Dram Teatrı mənim üçün doğma yerdir. Ömrümün, yaradıcılığımın 15 ilini bu teatra sərf etmişəm. Bu yaxınlarda hiss etdim ki, mənə əziz olan bu teatra kömək lazımdır. Bunu öz vicdanım, öz istəyimlə etdim. Əlbəttə, bu barədə cənab nazirin də mənə təklifi oldu. Dedi ki, Afaq, teatr üçün nə edə bilərik? İsi Məlikzadə vaxtilə mənim üçün iki tamaşa yazıb: "Hərənin öz ulduzu" və "Subaylarınızdan görəsiniz". İkinci tamaşanı teatrın baş rejissoru Firudin Məhərrəmovun quruluşunda bərpa formasında oynadıq.   - Sumqayıt Teatrının sizin məşhurluğunuza ehtiyacı var, yoxsa siz olmasaydınız, həmin tamaşada həqiqətən boşluq olardı?   - Gəlin, etiraf edək ki, təkcə teatr sahəsinin yox, hər bir sahənin sanbala ehtiyacı var. Çünki o sanbal bir xahiş, bir müraciət edəndə qarşı tərəf özünə borc sayır ki, bunu hələm-hələm söz deməyən filankəs deyib. Mən dəvət olunanda Valeh Kərimovun tərəf müqabili olmasını istədim. Məmnuniyyətlə razı oldular.    - Valeh Kərimovun işdən çıxarılmağı xəbəri doğru idi?   - Bu mətbuatın növbəti yalanı idi. O teatrda heç kim Valeh Kərimovu işdən çıxarmayıb. Aktyorun "kaprizi", incikliyi olur. Valeh özü teatrdan getmişdi. Səbəbləri də teatra aid deyildi.   - Deyəsən, siz də mətbuata qarşı qəzəblisiniz...   - Mətbuatda təsadüfi adamlar çoxdur. Ancaq xoruz döyüşdürməklə məşğuldurlar. İncəsənətdə bir çox adamın yeri səhv düşdüyü kimi, mətbuatda da yeri səhv düşənlər çoxdur. Sonra da zamanı günahlandırırıq.   - Özünüzə sual vermisiniz ki, teatr sahəsindəki təsadüfi adamların bu yerə gəlib çıxmağında mənim də günahım var?     - Təvazökarlıqdan uzaq olmasın, mən qadın, ana, aktrisa kimi bu vətən üçün nə lazımdırsa, etmişəm.   Əsl sənətkarlar qapılara gedib nə isə istəyə bilmir   Kaş mənim etdiyimin bir misqalını bilavasitə bu işi görməli olan adamlardan biri edərdi. Ona görə də bu barədə özümü heç vaxt günahlandırmıram. Mənim vicdanım rahatdır.   - Teatr sahəsinə hər il onlarla gənc gəlir. Onlar bu gəlirsiz sənətin yükünü çəkə biləcəklər?   - Əlbəttə. Amma problem ondadır ki, həmin gənclər məbədə yığılmayıblar. Onlar ayrı-ayrı yerlərdədirlər. Ay yarım vaxtımı "Planet Parni iz Baku" KVN Teatrının tamaşalarına sərf etdim. Sizə deyim, orda çox bacarıqlı uşaqlar gördüm...   - Nə zamansa kimdənsə nəsə xahiş etmisiniz?   - Mən heç nəyi xahiş etməmişəm, hər şeyi mənə veriblər. Elə aktrisa olmamışam ki, nəzərdən qıraqda qalaydım. Mənim bütün həyatım keşməkeşli olub. Çətin vaxtlarımda mənə ürək-dirək verən Məlik Dadaşovun qardaşı Salman Dadaşov olub. Sumqayıt Teatrının direktoru idi, otağına girirdim, deyirdim, çox haqsızlıq var. Məni arxayın edirdi ki, sən bir vaxt ucalacaqsan və hər şey unudulacaq. Aktrisanın evdən, şəraitdən, dolanışıqdan nigaranlığı olmamalıdır. Çünki tamaşaçı iki saat problemlərdən azad olmaq üçün teatra gəlir.   Flora Kərimovanın indiki "Göydən daş gəldi, it məni qapdı" qarğışı yox, əvvəlki repertuarı məni yaşadır   Aktyor qayğı ilə, problemlə tamaşaçını yükləyəndə onda biz nədən danışa bilərik? Əsl sənətkarlar qapılara gedib heç nə istəyə bilmir. Sadəcə, deyirlər, niyə belədir? Daha doğrusu, sənətkar qapıya özü üçün yox, kimin üçünsə gedir. Mənim laqeyd qala bilməməyimdən sui-istifadə edənlər də olub. Məsələn, bir şeyə layiq deyil, amma istəyir, onu əldə etsin. Biz hansısa ödülü əldə etmək üçün sənətin əziyyətini çəkəndə, kimlərsə gözəl şərait üçün qapıları döyürdü. Ən böyük hakim Allahdır. Haqqı çatan adama görə qapıları döyməyə, zəng edib xahiş etməyə hazıram. Çox sağ olsunlar, məni eşidirlər. Məni ən çox ağrıdan məsələni sizinlə bölüşmək istəyirəm. Çox istərdim ki, teatr rəssamı olan xalq artisti Tahir Tahirov prezident təqaüdü alsın. O, heç mükafat da almır. Tahir Tahirov kimi teatr rəssamları Azərbaycanda həmişə az olublar. Mənə elə gəlir, onun maddi ehtiyacı ödənməlidir. Tahir Tahirov danışmır, mən danışıram, deyirəm.    - Sizi təmin olunmuş adam saymaq olar. Ona görə də səhnəyə qayğılardan uzaqlaşıb çıxa bilirsiniz. Amma bunu gənclərə də aid etmək olarmı?   - Onlar bu haqda mənə danışmayınca, heç nə deyə bilmərəm. Gənclərə yer veriləndə korifeylər teatrdan getməməlidirlər. Nəinki korifey, hətta ən zəif aktyor belə getməməlidir. Çünki gənclər onlardan çox şey öyrənirlər. İndiki aktyorlar toya tamada gedir, şənliklərdə iştirak edirlər. Soruşanda da deyirlər, ailəmi dolandıra bilmirəm. Amma mən Afaq Bəşirqızının Sumqayıt Teatrında ürəyi gedib, həkim gəlib ki, aclıqdandır, bir stəkan şirin çay verin içsin. Biz bütün günümüzü sənətə həsr edirdik. Bu gün mənə niyə filan şey vermədilər deyib, qışqır-bağır salan incəsənət xadimləri bilməlidir ki, bütün bunları qazanmaq lazımdır. Teatra gələn gənc bilməlidir ki, burda maaş çox azdır. Mən Afaq Bəşirqızı 250 manat maaş alıram. Gənc bütün bunları nəzərə almalıdır. Bir məşhur aktyor var, beş il mənimlə bir partada oturub. O, teatrda çalışır, axşamlar da qarajda gözətçi işləyir.   - Siz bunu nümunə kimi göstərirsiniz? Və sanki tamadalıq pisdir, qarovulçu qalmaq yaxşı şeydir?   - Ailəsini dolandırır. Söhbət tamadalığa pis baxmaqdan getmir. Mən sənətkarı toyda görmürəm. Aktyor toyda kiminsə artıq-əskik sözünü götürə bilir, amma vağzalda yük daşıya bilmir?   Bir məşhur aktyor var, teatrda çalışır, axşamlar isə qarajda gözətçi işləyir   Aktyor sənəti qurbanlıq sənətdir. Rza Əfqanlı deyirdi, aktyor evlənməməlidir. Bir otaqlı evi olmalıdır, vəssalam, orda rolunu məşq etməlidir, sənəti haqqında düşünməlidir. Mən də qurbanlığam, istədiyim sənəti əldə edə bilmədim. Şərqşünas olmaq istəyirdim. Tapşırılmamışdım, tarix müəllimi 3 yazdı. İlk dəfə onda dedim ki, Bəşir Səfəroğlunun qızıyam. Türk dilinə yönəltmək istədilər, istəmədim. Allah Müxlis Cənizadəyə rəhmət etsin, onun dəvəti ilə incəsənətə gəldim.   - Son vaxtlar çəkilən komediya filmlərinə baxırsınız?   - Cəmiyyətdə komediyaya aclıq var. Amma çəkilən bu komediyalara yox. Həddindən artıq qeyri-peşəkarlıq var. Pis bilirsiniz nədir? Mənə nümunə göstərirlər ki, hansısa aktyor günü filan qədər pula çəkilir, amma siz razı olmursunuz? Pulu artırırlar, yenə istəmirəm. Çünki bəhanə edirəm. Ssenari xoşuma gəlmir və vəziyyətdən çıxmaq üçün qonorarı yüksək deyirəm. Ssenari xoşuma gəlsə, ümumiyyətlə, pul almaram. Mənim əziyyətlə qazandığım adım var, onu pula qurban verə bilmərəm. Mən reklama çəkilmirəm. Bir firmadan zəng vurdular ki, üç dəqiqəlik reklamdır, istəyirik siz çəkiləsiniz. Amma başqa bir aktyora da demişdilər. Zəng vurdum həmin aktyora, dedim, elə bir qiymət deyəcəyəm, onlar məni yox, səni çəkəcəklər, qorxma. Çünki onun ehtiyacı var idi. Sonra zəng vurdu ki, nə istədimsə, onu da verdilər. Mən sevdiyim, sanbalına inandığım aktyora hər cür kömək əlimi uzadıram.

Məleykə: "Məni ruhdan salmaq üçün dediqodu yayanlar..."

2017-06-22 12:44:12

Xalq artisti Məleykə Əsədova 90-cı illərdə şəklinin şokolad qutularının üzərinə vurulmasından danışıb

Sənubər İsgəndərlidən həmkarına: "Mənə olan sevgini qəbiristanlıqda basdırdım" VİDEO FOTO

2017-06-22 12:36:00

Sənubər İsgəndərlidən həmkarına: "Mənə olan sevgini qəbiristanlıqda basdırdım" - VİDEO - FOTO "Onu sevməyim alındı, amma 3 aylıq oldu"  ARB TV-nin "Gəlin danışaq" proqramının qonağı olan əməkdar artist Əjdər Həmidov maraqlı açıqlamaları ilə diqqət çəkib. Son.az xəbər verir ki, proqram zamanı əməkdar artistin rol aldığı "Kişi sözü" filmindən qəbiristanlıqda çəkilən səhnə yayımlanıb.  Həmin filmdə aktyorun tərəf müqabili olan xalq artisti, aktrisa Sənubər İsgəndərli müsahibə zamanı həmkarı barəsində ürək sözlərini bölüşüb:

Rusiyada yoxa çıxan maşın Azərbaycanda tapıldı

2017-06-22 12:23:00

Gömrük əməkdaşları oğurlanmış nəqliyyat vasitəsini saxlayıblar.

"Məni görəndə şok oldu" "Sehrli Xalat"ın Zərifəsinə elçi gələn məşhur aktyor kim olub? FOTO

2017-06-21 21:21:00

"Sehrli xalat" filminin Zərifəsi Solmaz Hətəmova ailə həyatından danışıb.

Azərbaycanlı aktrisa: "Ardarda itkilər yaşadım, böyük dərddir" FOTO

2017-06-21 21:08:00

"Mən əslində bütün dərdlərimi içimdə çəkmişəm. Səhnəyə çıxanda bütün problemlərimi unuduram. Teatr mənim acı və şirin xatirələrlə dolu bir məkanımdır".

Xalq artisti reanimasiyaya yerləşdirilib

2017-06-21 20:40:31

Xalq artisti Qəndab Quliyeva reanimasiyaya yerləşdirilib.

Musiqili Teatr 107ci mövsümün ən yaxşılarını mükafatlandıracaq

2017-06-21 19:30:00

Azərbaycan Dövlət Musiqili Teatrının 107-ci mövsümü yekunlaşmaq üzrədir.

"Əlimə nə keçib aparmışam"

2017-06-21 18:33:00

Səbail Rayon Polis İdarəsi 41-ci Polis Bölməsi əməkdaşlarının həyata keçirdikləri əməliyyat tədbirləri nəticəsində Badamdar qəsəbəsində silsilə oğurluqlar törətməkdə şübhəli bilinən şəxs ifşa edilib. Son.az ARB TV-yə xəbər verir ki, iyunun 18-19-da rayon ərazisində 1 evdən, mağazadan, torpaq sahəsindən və emalatxanadan müvafiq olaraq gümüş sırğa, noutbuk, velosiped, təmir-tikinti alətləri və məişət əşyaları oğurlamaqda şübhəli bilinən Bakı şəhər sakini Nadir Məmmədov tutulub. Saxlanılan şəxs, əsasən, qonşuluğunda yaşayan şəxslərin evlərindən oğurluq edib. Nadir Məmmədov - saxlanılan şəxs: "Badamdar qəsəbəsində qonşularımın evləri olub. Girmişəm evlərə, əlimə nə keçib velosiped, mişar doğrayan, noutbuk aparmışam. Dəyər-dəyməzə satmışam". Faktlarla bağlı Səbail Rayon Polis İdarəsinin İstintaq Şöbəsində araşdırmalar davam etdirilir.

"Qurudub gətirdim, çay sahilində yaxalandım"

2017-06-21 18:20:00

Nəqliyyatda Baş Polis İdarəsinin Su Nəqliyyatında Polis İdarəsinə Mingəçevir şəhəri ərazisində bir nəfərin narkotik vasitəni satacağı barədə əməliyyat məlumat daxil olub. Son.az ARB TV xəbər verir ki, polis əməkdaşlarından ibarət əməliyyat qrupu Kür çayının Mingəçevirdən keçən hissəsinin sahilində quraşdırılan yanalma körpüsünə yollanıb. Həyata keçirilən əməliyyat nəticəsində qeyd edilən ünvanda Goranboy rayon sakini, əvvəllər məhkum olunmuş Tariyel Abdulkərimov şübhəli şəxs qismində saxlanılaraq polis idarəsinə gətirilib. Üzərinə baxış keçirilərkən ona məxsus idman çantasından ümumi çəkisi 4 kiloqram 600 qram qurudulmuş marixuana aşkar edilərək götürülüb. Tariyel Abdulkərimov - saxlanılan şəxs: "Şəki ərazisindən yığmışam. Baltalı kəndindən. Satmaq niyyəti ilə qurutdum, gətirdim Mingəçevir şəhərinə. Kür çayının sahilində polislər tərəfindən yaxalandım. Çəkdilər, dedilər, 4 kilo, 700 qram". Faktla bağlı Cinayət Məcəlləsinin müvafiq maddəsi ilə cinayət işi başlanılıb, zəruri istintaq hərəkətləri, eləcə də əməliyyat-axtarış tədbirləri davam etdirilir.

Fotoqraf Ramin Aslanov: "Məncə, hər bir şəkilin öz hekayəsi olur" FOTO

2017-06-21 16:22:00

Fotoqrafiya yaradıcılıq təxəyyülü, zəngin fantaziya və sonsuz məhəbbət tələb edən incəsənətin bir sahəsidir. Çox da qədim tarixə malik olmayan bu sənət növünə maraq son illərdə həm dünyada, həm də ölkəmizdə artmaqdadır. 

Yazıçı Anar xanımı ilə tədbirdə FOTO

2017-06-21 15:50:00

Azərbaycan Yazıçılar Birliyinin sədri Anar xalq artisti Fidan və Xuraman Qasımova bacılarının yaradıcılığına həsr olunan konsertə qatılıb.

“Odlar ölk​əsi” konserti keçiriləcək

2017-06-21 15:17:00

Formula 1 yarışlarına dəstək məqsədli “Odlar ölk​əsi” konserti keçiriləcək

Moskvada azərbaycanlı iş adamından1 milyon tələb edənlər saxlanıldı

2017-06-21 14:30:00

Rusiya Daxili İşlər Nazirliyinin Baş Cinayət-Axtarış İdarəsinin əməkdaşları Azərbaycan vətəndaşı olan iş adamından hədə-qorxu yolu ilə pul tələb etməkdə şübhəli bilinən üç nəfəri saxlayıb.

Diridiri basdırılan biznesmenlə bağlı yeni xəbər

2017-06-21 11:28:00

Moskvada qəbiristanlıqda diri-diri basdırılan azərbaycanlı iş adamı Hikmət Salayevlə bağlı yeni xəbər var.

Bakıda 8 yaşlı uşaq kəsilmişdeşilmiş xəsarətləri alıb

2017-06-21 08:53:00

Bakıda 8 yaşlı uşaq kəsilmiş-deşilmiş xəsarətləri alıb.

Bakıda kütləvi dava olub: xəsarət alan var

2017-06-21 08:46:00

Bakıda 50 yaşlı kişi döyülərək xəsarət alıb.

Bakıda 38 yaşlı kişi bıçaqlanıb

2017-06-21 08:42:00

Bakıda bıçaqlanma hadisəsi olub.