Son.az  evliliyində məyusluq yaşayan və bu təcrübənin onların sevgi və münasibətlərə baxışlarını dəyişdirdiyini etiraf edən 4 ulduzun hekayəsini təqdim edir:

Britni Spirs

2000-ci illərin pop ikonası Britni Spirs təkcə sənət aləmində deyil, şəxsi həyatında da çətin sınaqlardan keçib. Psixoloji vəziyyəti, atası tərəfindən himayəyə alınması və şəxsi münasibətləri tez-tez medianın gündəmində olub.

İlk evliliyi uşaqlıq dostu Ceysonla cəmi 55 saat davam edib. Britni bu qərarın "axmaq bir səhv" olduğunu etiraf etsə də, sadəcə evli olmağın necə bir hiss olduğunu yaşamaq istəyib.

İkinci əri rəqqas Kevin Federlayn olub. Əvvəlcə münasibətləri sakit görünüb, lakin boşanma halında Britninin hər il üçün pul ödəməsini nəzərdə tutan qəribə nikah müqaviləsi bağlayıblar. Kevin xəyanət etdikdən sonra Britni dərin psixoloji böhran keçirdi və klinikaya yerləşdirilib. Bu hadisədən sonra o, qeyri-qabiliyyətli elan edildi və atası onun qəyyumu olub. Ancaq 2021-ci ildə Britni atanın qəyyumluğundan azad edildi və yenidən öz həyatının məsuliyyətini öz üzərinə götürüb. Daha sonra aktyor Səm Əsğəri ilə evlənib, lakin bu nikah da bir neçə ildən sonra başa çatıb.

Demi Mur

Aktrisa Demi Mur 80-ci illərdən Hollivudun tanınmış simalarından biridir. Onun üç evliliyi də boşanma ilə nəticələnib.

İlk əri musiqiçi Freddi Mur idi, lakin bu evlilik qısa sürüb və Demi özü xəyanət etdiyini etiraf edib. İkinci əri aktyor Bryus Uillis olub. Onların üç qızı var. Cütlük uzun müddət ideal ailə nümunəsi hesab edilsə də, 1998-ci ildə ayrılıblar.

Sonuncu əri gənc aktyor Eşton Katçer oldu. Onlar uşaq sahibi olmağa çalışıblar, lakin hamiləlik 6-cı ayda pozulub. Bu hadisə Demi üçün ağır zərbə olub, nəticədə içkiyə qurşanıb. Katçer xəyanət etdikdən sonra 2011-ci ildə boşanıblar. Boşanmalardan sonra Demi çəkilmə dövrü yaşayıb. Mediada alkoqol və yüngül narkotiklərlə mübarizəsi haqqında xəbərlər yayılıb.