Hind məbədindən Bakıya gətirilən saçlar: onlar kimindir? - FOTO


Digərləri 19 Okt 2016 11:43:00 70 0

Hind məbədindən Bakıya gətirilən saçlar: onlar kimindir? - FOTO

"Başımı qırxdırdım ki, Tanrılara təşəkkürümü bildirim"

Naomi Londondakı gözəllik salonlarından birində üç saat çəkən prosedurdan sonra saçlarının uzunluğunu artırdı. O, saç "uzatma" əməliyyatı üçün 1200 funt-sterlinq ödəyib.

Son.az Daily Mail-ə istinadən bildirir ki, dünyanın əksər ölkələrində olduğu kimi, Londonda da qadınlar saçlarının uzunluğunu süni şəkildə artırmağa meyllidirlər. Saatlarla çəkən prosedurdan sonra saçlar "uzanır".

37 yaşlı Naomi də belədir. Onun platin rəngli gözəl saçları var.

Britaniyada saçlarını süni şəkildə uzadan qadınların sayı son 5 ildə 70 faiz artıb.

Belə qadınların arasında, təbii ki, şou-biznes məşhurları xüsusi yer tutur.

Britaniya pariklər və saçların uzadılması üçün saç idxalı baxımından dünyada 3-cü yeri tutur. "Dumanlı Albion" ildə 43 milyon ton insan saçları alır. Bu isə 2 milyon insanın saçı və ya dünyanı ekvator üzrə 3200 dəfə dolamaq üçün yetərli saçdır.

Lakin britaniyalı xanımlarla yanaşı, dünyanın müxtəlif ölkələrində saçlarını süni şəkildə uzadan qadınların tam əksəriyyəti bu saçların haradan, necə və hansı yollarla əldə olunduğunu bilmirlər.

Eynən Bakıdakı xanımlar təki.

... Hindistanın cənubu, "Yadagirigutta" məbədi. Yüzlərlə yoxsul qadın başlarını daz qırxdırmaq üçün növbə gözləyir. Onların tam əksəriyyəti saçlarını heç zaman kəsdirməyib, dəbli saç düzümlərindən yararlanmayıb. Bu səbəbdən də belə qadınların saçlarına bərbərlər xüsusi dəyər verir, "bakirə saçlar" adlandırırlar.

Qadınların başlarının daz qırxılması "prosesi" cəmi 5 dəqiqə çəkir.

Bu qadınlar arasında əynində çəhrayı sari olan 28 yaşlı Lavanya Kakala da var. O da başını qırxdırıb və saçlarının müqabilində heç nə almayıb.

Daha doğrusu, heç nə istəməyib.

Çünki Hindistandakı hinduistlərin inanclarına görə, başlarını qırxdırarkən saçlarını Vişnu Tanrısına qurban verirlər.

Şəksiz ki, onlar saçlarının sonradan satılacaqlarını bilirlər.

"Başımı qırxdırdım ki, Tanrılara təşəkkürümü bildirim. Qırxılmış saçlarımın sonrakı taleyi məni əsla maraqlandırmır. Əgər pis, seyrək və ya qısa saçlı qadınlar mənim kəsilmiş saçlarımdan istifadə etmək istəyirlərsə, etsinlər. Bu, saçlarımın zibilxanaya atılmasından daha yaxşıdır",  - L.Kakala deyib.

Hindistanda qadınların məbədlərə yollanaraq saçlarını kəsdirmələri, başlarını daz qırxdırmaları adi haldır.

Məbəddə tökülən saçlar

Bu məbəddə bəzən gündə 50 min qadın başlarını daz qırxdırmaq üçün növbəyə dururlar və növbənin uzunluğu da 3 kilometrə çatır.

Hinduizmdə qadınların məbəd üçün başlarını qırxdırmaları, saçlarını kəsdirmələri "tonsurinq" adlanır.

Bu ayin zamanı qadının başı daz qırxılır, sonra onun başına antiseptik səndəl məti çəkilir.

Lavanyanın saçları çox keyfiyyətlidir. Hindistandakı qadınlar, xüsusilə də ölkənin cənubunda yaşayan zərif cins mənsubları saçlarını heç vaxt kimyəvi şampunlarla yumurlar. Onlar saçlarını tez-tez darayır, hamarlığı saxlamaq üçün saçlarına kokos yağı çəkirlər.

Bu səbəbdən dünyanın "saç bazar"ında hindistanlı qadınların saçlarına böyuk tələbat var.

"Tirumala" məbədi isə başlarını daz qırxdıran qadınların saçlarının satışından ildə 30 milyon dollara yaxın pul əldə edir. Məbədin kahinləri həmin pulların yeni xəstəxanalar və məktəblərin inşası üçün xərcləndiyini desələr də, bu sözlərə inanmaq çətindir.

"Tonsurinq" ayini saç bazarının yalnız bir təminat mənbəyidir.

Hindistanı dolaşan saç alıcıları kişilərə "arvadının saçlarını ver, 6 dollar al" deyirlər. 6 dollar Hindistandakı yoxsullar üçün az pul olmadığından, ərinin zorla başını qırxdığı qadınlarla yanaşı, küçədə hücuma məruz qalıb saçı qırxılan qadınlar da az deyil.

Rusiya və Ukraynada da saç bazarı var. Bu ölkələrdə 20-30 sm uzunluqdakı sarışın saçlar üçün 45, açıq-qəhyəi rəngli saçlar üçünsə 60 dollar təklif olunur.

Moskvada yaşayan 25 yaşlı fotoqraf Darya Danqilova belinə çatan hörüyünə görə 150 dollar alıb: "Çox peşmanam. Hörüyümü kəsdirib satandan sonra ağladım".

Cənubi Amerikada isə Peru və Braziliyadan olan qadın saçlarına çox dəyər verilir. Səbəb bu saçların qalın olmasıdır.

Perunun kənd rayonlarında, orta aylıq gəlirin 90 dollardan artıq olmadığı yerlərdə keyfiyyətli, hamar qadın saçı üçün 60 dollar təklif olunur.

Ekspertlərin dediklərinə görə, Çindəki qadın saçları o qədər də dəyərləndirilmir, çünki çinli xanımların saçları sərt və düz olur.

Yaş da önəmlidir. 1992-ci ildə doğulmuş qadınların saçları ən keyfiyyətli sayılır. 24 yaşlı qadının saçlarında keratin daha çox olduğundan onlar baha satılır.

Kəsilmiş saçlar anbarlara daşınır və burada saf-çürük olunur. Qısa, pırtlaşıq saçlar dərhal ayrılır - belə saçlar cəmi 10 dollara satılır.

Bu da "qara qızıl"dır

Saman təki böyük taylara yığılan saçlar sonradan satışa göndərilir.

Qlobal saç satışı bazarını illərdən bəri araşdıran ekspert, London Universitetinin Qoldsmit Antropologiya Mərkəzinin professoru Emma Tarlo deyir: "Yaxşı, keyfiyyətli saçlar çox bahadır. Asiya ölkələrində təqribən 500 min insan saç alışı və daşınması ilə məşğul olur. Ona görə də saç alverini "qara qızıl axını" adlandırırlar".

Çində "saç yığımı" sexləri daha çoxdur. Belə sexlərdə çalışan qadınlar saatlarla işləyir, saçları darayır, çəngələyir, "keyfiyyət"ə görə ayırırlar. Üçüncü, növbəti mərhələdə isə saçlar yuyulur, mikroblardan təmizlənmək üçün qısa müddətdə kimyəvi qarışıqda saxlanır və axırıncı dəfə daranaraq kisələrə toplanır.

"Osmos" adlı kimyəvi qarışığın tərkibi sirr saxlanır. Bu qarışıq saçlardakı tünd piqmentləri yuyur, saçın özəyinin kənar hissəsi olan kutikulanı zədələmir. Kutikula zədələnəndə saç quru olur, tez qırılır.

Son mərhələdə saçlar daranır, başqa kimyəvi qarışıqda isladılır və 20 gün ərzində qurudulur. Belə manipulyasiyalardan sonra saçlar hamar, elastik, rəngsiz olur.

Həmin saçı sonradan istənilən rəngə boyamaq olar.

Boya prosesi də fərqli olur. Sarışın və ya platin rəngi əldə etmək üçün saç xüsusi qarışıq olan vannada 20 gün, qəhvəyi və ya şabalıdı rəng üçünsə 10 gün saxlanır.

Saçları həmin məhlula salmazdan əvvəl onları tənzif "kisələr"də bağlayırlar: bu minvalla saç əyilmir, pırtlaşıq və ya qıvrım olmur.

Axırda saçlar satışa çıxarılır, topdan kiloqramlarla satılır.

Saç satışı ilə məşğul olan "Eqovan" şirkətinin rəhbəri Qloriya Kinq danışır: "Anbarda həmişə yetərincə saçımız var. Bu, qəfil sifariş olanda onu yerinə yetirmək üçündür. Hindistan, Peru və ya Çindəki yoxsul qadınlar bəzən saçlarını 50 dollara satırlar. Bu pula həmin qadınlar ailələrini bir ay dolandıra bilirlər".

Bakıda isə...

Bakıdakı gözəllik salonlarında saçlarını süni şəkildə uzatmaq istəyən xanımlar minimum 100 manat ödəməlidirlər. Çox yüksək keyfiyyətli, yaxşı saçların qiyməti isə 250 manatdan başlayır.

Halbuki gözəllik salonlarına həmin saçlar ən uzağı 70 manata başa gəlir.

Saçların uzadılması zamanı "ip" anlayışından istifadə olunur. Məsələn, belə salonlarda müştəri qadınlara adətən 25 "ip" təklif olunur. 100 "ip"li saç uzatma isə baha başa gəlir.

Orxan Hun Son.az

loading...
Azərbaycanla İraq arasında birbaşa aviareys açıla bilər like
  • 19 Okt 11:40  
İqtisadiyyat Azərbaycanla İraq arasında birbaşa aviareys açıla bilər

Bakıda Azərbaycan və İraqın aviasiya administrasiyalarının nümayəndə h

arrow Ətraflı
Azərbaycanda şəxsiyyət vəsiqələrində like
  • 19 Okt 11:40  
Digərləri Azərbaycanda şəxsiyyət vəsiqələrində

Şəxsiyyət vəsiqəsinin elektron daşıyıcısına (çipə) daxil edilən mə

arrow Ətraflı
BANM-də xalq artisti Fuad Poladovla yaradıcılıq göruşü keçirilib like
  • 19 Okt 11:39  
Sosial BANM-də xalq artisti Fuad Poladovla yaradıcılıq göruşü keçirilib

Tanınmış aktyor müəllim və tələbələrin suallarını cavablandırıb

arrow Ətraflı
Rusiyada yeni devalvasiya baş verə bilər like
  • 19 Okt 11:37  
İqtisadiyyat Rusiyada yeni devalvasiya baş verə bilər

Prezidentin müşaviri Sergey Qlazyev: "Rusiya büdcəsi artırılmalıdır"

arrow Ətraflı
FETÖ-nün ABŞ-dakı məktəbləri bağlanır like
  • 19 Okt 11:37  
Dünya FETÖ-nün ABŞ-dakı məktəbləri bağlanır

ABŞ-ın Kaliforniya ştatının Los-Anceles şəhərində Fətullahçı Terror

arrow Ətraflı
Gözdən əlillərə ŞAD XƏBƏR like
  • 19 Okt 11:34  
Dünya Gözdən əlillərə ŞAD XƏBƏR

29 yaşlı türk alim Berkay Özçelik kəşf etdiyi süni buynuz qişası ilə

arrow Ətraflı
“Mançester Yunayted” çempionluğa hazır deyil” like
  • 19 Okt 11:30  
İdman “Mançester Yunayted” çempionluğa hazır deyil”

“Mançester Yunayted”in keçmiş müdafiəçisi, hazırda “Sky Sports”da

arrow Ətraflı
Tanınmış vizajist İlahə Hacıyeva Bakıda "make-up" seminarı keçirdi like
  • 19 Okt 11:30  
Digərləri Tanınmış vizajist İlahə Hacıyeva Bakıda "make-up" seminarı keçirdi

Tanınmış azərbaycanlı vizajist İlahə Hacıyeva oktyabrın 15-də - öz ad

arrow Ətraflı
Baş prokuror Beyləqan rayonunda vətəndaşları qəbul edəcək like
  • 19 Okt 11:28  
Sosial Baş prokuror Beyləqan rayonunda vətəndaşları qəbul edəcək

Görüşdə Beyləqan, İmişli, Ağcabədi, Tərtər, Ağdam, Füzuli, Laçın

arrow Ətraflı
Azərbaycanda yeni sürüşmə sahələri əmələ gəlib like
  • 19 Okt 11:28  
Digərləri Azərbaycanda yeni sürüşmə sahələri əmələ gəlib

"Atmosfer yağıntılarının normadan artıq olması nəticəsində yeni s

arrow Ətraflı
Rövşən Lənkəranskiyə məxsus iki otel tapıldı like
  • 19 Okt 11:24  
Digərləri Rövşən Lənkəranskiyə məxsus iki otel tapıldı

İtaliya maliyyə polisi bir qədər əvvəl qətlə yetirilmiş "qanuni oğru"

arrow Ətraflı
Ərəb turistlərinin Azərbaycanda ən çox getdikləri yerlərin adları açıqlanıb like
  • 19 Okt 11:22  
İqtisadiyyat Ərəb turistlərinin Azərbaycanda ən çox getdikləri yerlərin adları açıqlanıb

​Mədəniyyət və turizm naziri Əbülfəs Qarayevin BƏƏ-nin “Əl-Fəcr

arrow Ətraflı