“Müharibə olsa, Ermənistan olmayacaq!..”


Siyasət 22 Sen 2022 11:39:00 77 0

“Müharibə olsa, Ermənistan olmayacaq!..”

Azərbaycanla sülh müqaviləsi imperativə çevrilir; ABŞ, Fransa, Rusiya, İranın timsalında nə qədər çox "mamaça" olsa da, güc yenə "doğan"a - Ermənistana düşəcək...

ABŞ Nümayəndələr Palatasının sədri Nensi Pelosinin qalmaqallı İrəvan səfərindən sonra ermənilərin eyforiyası, deyəsən, yavaş-yavaş keçir. Keçməyə məhkumdur. Çünki Aranı qatan Pelosi getdi, reallıqlar isə qalır. O sırada Ermənistanın qonşuları heç yerə buxarlanıb-eləməyib və öncəliklə onlarla - Azərbaycan və Türkiyə ilə dil tapmaq, barışmaq lazım gələcək. Yolu, şərtləri bəlli. Bakının sülh müqaviləsi üçün irəli sürdüyü 5 məlum prinsip də çoxdan masanın üstündə.

Təzədən "velosiped kəşf eləməyə" lüzum yox. Rəsmi İrəvan öz xarici havadarlarının əli ilə sülh anlaşmasına qarşı min oyundan çıxsa da, enində-sonunda Azərbaycan və Türkiyənin şərtlərini qəbul eləməli olacaq. Ona görə yox ki, o məğlub tərəfdir, ona görə ki, haqsız tərəfdir. Bu gerçəyi Pelosu  yox, lap Co Baydenin özü də İrəvana gəlsə, dəyişmək gücündə deyil.

*****

Artıq Güney Qafqazda bambaşqa qüvvələr nisbəti mövcuddur, bölgənin aparıcı, açar dövlətinin adı da bəlli: Azərbaycan. Azərbaycan-Türkiyə möhtəşəm hərbi-siyasi tandemi də bir-iki illiyə yaradılmayıb. Bu reallığı və qüvvələr nisbətini nə erməni lobbisi, nə də Ermənistanın arxasında durub ona uzaqdan "vur!" deyən məsuliyyətsiz beynəlxalq çevrələr hayların xeyrinə poza bilməz!

Qalır status-kvo ilə, reallıqla barışmaq. Kapitulyant ölkə xam xəyallarla yaşamaqdansa, Qərbə, İrana boş ümidlər bəsləməkdənsə, bu bəsit həqiqəti nə qədər tez özü üçün əxz eləsə, bir o qədər Ermənistandakı əhali bəlalardan tez qurtular. "Kənardan döyüş adama asan gələr" deyib müdriklər. Ağrısını öz "dərisində" hiss edən erməni toplumu isə daha bir müharibənin nə demək olduğunu, onun hansı fəlakətli nəticələrə gətirəcəyini gərək ki, indi hamıdan yaxşı anlasın və yadında yaxşı saxlasın. Ən azından 12-14 sentyabr 2 günlük sərhəd döyüşləri var.

Yeri gəlmişkən, Ermənistanın Müdafiə Nazirliyi son hərbi toqquşma zamanı ölən hərbiçilərinin siyahısını hələ də açıqlamayıb. Bu, şübhəsiz, itkilərin miqyasının böyük olması ilə bərabər, həmin itkiləri cəmiyyətdən gizlətməyə, toplumun sakitləşməsi üçün müəyyən vaxt udmağa hesablanıb. Heç 44 günlük müharibədə də ölənlərin tam siyahısını bu günədək Ermənistanda bilən yoxdur. Sual yaranır: bunca canlı, maddi itkilər bəs eləmədimi Azərbaycanla sülh müqaviləsinin alternativinin yalnız müharibə olduğuna yəqinlik hasil eləməyə?

Bu xüsusda onu da qeyd edək ki, Ermənistandan fərqli olaraq Azərbaycan hakimiyyəti cəmiyyətlə açıq, şəffaf, dürüst kommunikasiya siyasəti aparır. Məlum olduğu kimi, şəhidlərimizin hamısının adları rəsmi qaydada açıqlanıb, şəhid ailələri, müharibə veteranları birbaşa Prezident İlham Əliyevin, Azərbaycan dövlətinin diqqət və qayğısı ilə əhatə olunub. Onların sosial müdafiəsi üçün tədbirlər davam etdirilir...

*****

Pozitiv məqamlardandır ki, İrəvanın son sərhəd təxribatı və Nensi Pelosinin səfərindən sonra reallıqları doğru qiymətləndirməyə çalışan, ağlını və məntiqini tam itirməmiş erməni təhlilçilər də var.

"Ermənistanda hakimiyyətin əli ilə yaşanan anti-Rusiya isteriyasını başa düşə bilmirəm. Doğrudanmı bu insanlar sonrakı dağıntı və qurbanlara görə məsuliyyət hissi keçirmirlər?"

"Yeni Müsavat"ın məlumatına görə, bunu NEWS.am saytının müxbirinə müsahibəsində keçmiş deputat, İrəvandakı "Alternativ layihələr" qrupunun eksperti Vaqe Ovannisyan deyib.

"Pelosinin səfəri zamanı erməni cəmiyyəti eyforiyaya qərq oldu. Vaşinqtona dönən Pelosi isə artıq Ermənistanı unudub. Qarşıdan seçkilər gəlir. Pelosi ermənipərəstdir, gəldi və getdi, bəs biz nə edirik? Eyni səhvləri hər 100 ildən bir təkrarlamalıyıqmı?", - deyə o yenə sual edib.

Sözünə davam edən erməni analitik bildirib: "İnsanlar başa düşmür ki, Pelosinin eyforiyası altındadırlar. Hakimiyyət qarşıya ictimai əhval-ruhiyyəni dəyişmək vəzifəsini qoyanda bu, çox asandır. Bir neçə veriliş, bir neçə saxta xəbər, bir neçə ifadə və birdən görürsən ki, cəmiyyətdə qıcqırma var. Axı Parisdə kafedə oturub müharibənin olub-olmamasını müzakirə etmək olmaz. Əgər müharibə olsa, Ermənistan dövləti olmayacaq (44 günlük müharibədən sonra - red.) Çətin danışıqlar, lokal münaqişələr oldu, hansısa mövqe uğurları ehtimalı var idi, amma genişmiqyaslı müharibə üçün əsas yox idi, bu gün isə artıq var".

*****

Kapitulyant ölkədə yeni müharibə xofu... Nə qədər ki, Azərbaycanla sülh müqaviləsi imzalanmayıb və Ermənistan parlamentində ratifikasiya edilməyib, nə qədər ki, Azərbaycana və Türkiyəyə qarşı ərazi iddialarının yer aldığı Ermənistan konstitusiyası yeni sülh müqaviləsinə uyğunlaşdırılmayıb, erməninin canından bu xof çıxmayacaq. ABŞ, Fransa, Rusiya, İranın timsalında çoxlu sayda "mamaça" ola bilər, amma güc yenə "doğan"a - Ermənistana və erməni xalqına düşəcək. Qərarı o verməlidir. Həm də yeganə doğru qərarı.

Tək yol bu. Bu yolun yeganə alternativi həqiqətən də Ermənistanın olan-qalan dövlətçiliyinin axırına çıxacaq müharibədir. Son və dağıdıcı müharibə. Odur ki, Ermənistan son şansını qaçırmamalıdır. Əks halda, bu, intihar anlamına gələcək... "Yeni Müsavat"

Əvəz Zeynallıya əlavə ittiham irəli sürüldü like
  • 22 Sen 11:35  
Digərləri Əvəz Zeynallıya əlavə ittiham irəli sürüldü

"Xural Yayınları" Məhdud Məsuliyyətli Cəmiyyətinin baş direkto

arrow Ətraflı
Bakıda 206 xətt üzrə avtobuslar gecikir: like
  • 22 Sen 09:26  
Digərləri Bakıda 206 xətt üzrə avtobuslar gecikir:

Vahid Dispetçer Xidmətinin bu gün səhər pik saatlarına olan məlumatına

arrow Ətraflı
Salyanda avtomobil maneəyə çırpılıb, like
  • 22 Sen 09:18  
Digərləri Salyanda avtomobil maneəyə çırpılıb,

Fövqəladə Hallar Nazirliyinin (FHN) "112" qaynar telefon xəttinə

arrow Ətraflı
Tovuzda qonaqlıda güllələnən şəxs like
  • 22 Sen 09:00  
Digərləri Tovuzda qonaqlıda güllələnən şəxs

Bud nahiyəsindən güllə yarası alan şəxs xəstəxanada dünyasını dəyi

arrow Ətraflı
Qaraciyərdə kalsinatlar like
  • 22 Sen 08:59  
Digərləri Qaraciyərdə kalsinatlar

Qaraciyər digər orqanlara nisbətən daha çox qayğıya ehtiyac duyur. Qaraci

arrow Ətraflı
Məşhur müğənni əriylə "Xəyanət" müqaviləsi İMZALADI like
  • 22 Sen 06:31  
Şou-biznes Məşhur müğənni əriylə "Xəyanət" müqaviləsi İMZALADI

Dünya şöhrətli Cennifer Lopez və aktyor Ben Afflek bir neçə milyon dollar

arrow Ətraflı
"Biriki aydan sonra böyük hərbi münaqişə olacaq" like
  • 22 Sen 05:31  
Dünya "Biriki aydan sonra böyük hərbi münaqişə olacaq"

Qərbin Rusiya və Çin ilə münasibətlərinin pisləşəcəyini və silahlı

arrow Ətraflı
Mukovisidoz zamanı mədəaltı vəzin patologiyaları like
  • 22 Sen 05:02  
Digərləri Mukovisidoz zamanı mədəaltı vəzin patologiyaları

Mukovisidoz genetik autosom xəstəlikdir. Mədəaltı vəzin xarici sekretar f

arrow Ətraflı
İlk dəfə sevgilisiylə görüntüləndi like
  • 22 Sen 04:31  
Şou-biznes İlk dəfə sevgilisiylə görüntüləndi

"Yargı" serialında rol alan aktyor Kaan Urqancıoğlu ilk dəfə sev

arrow Ətraflı
Mədənin funksional pozğunluğu like
  • 22 Sen 04:03  
Digərləri Mədənin funksional pozğunluğu

Mədənin funksional pozğunluğu heç bir anatomik dəyişiklik baş vermədən

arrow Ətraflı
Tokayevdən xəbərdarlıq: Nüvə savaşı baş verə bilər! like
  • 22 Sen 03:31  
Dünya Tokayevdən xəbərdarlıq: Nüvə savaşı baş verə bilər!

Dünya iki nəsil sonra ilk dəfə nüvə savaşı riski ilə üzləşib.

arrow Ətraflı
Pilorospazm like
  • 22 Sen 03:02  
Digərləri Pilorospazm

Nevrozdan əziyyət çəkən şəxslərdə mədə çıxacağının spastik yığ

arrow Ətraflı
Seks zamanı corablarınız ayağınızda qalsın like
  • 22 Sen 02:31  
Digərləri Seks zamanı corablarınız ayağınızda qalsın

Sekslə bağlı araşdırmalar göstərir ki, yataqda corab geyinmək daha yaxş

arrow Ətraflı
Xroniki qastrit like
  • 22 Sen 02:02  
Digərləri Xroniki qastrit

Xroniki qastrit, mədənin selikli qişasında bir sıra morfoloji dəyişiklikl

arrow Ətraflı
Üz verəndə astar istəyən BÜRCLƏR like
  • 22 Sen 01:31  
Digərləri Üz verəndə astar istəyən BÜRCLƏR

Hər insanla münasibətləri istənilən məsafədə saxlamaq mümkün olmur. B

arrow Ətraflı