Bunu "The Washington Post" (WP) yazıb.

Nəşrin məlumatına görə, hazırda Avropada təxminən 100 min ABŞ əsgəri yerləşdirilib, lakin ABŞ-ın "daha həssas" müttəfiqləri bunu qeyri-kafi hesab edirlər.

Xüsusilə Baltikyanı və Şərqi Avropa ölkələri Vaşinqtondan silah sifarişlərinin yerinə yetirilməsini sürətləndirmək üçün müdafiə istehsalının artırılmasını istəyib. Belə ki, Estoniya HIMARS MLRS və Reaper hücum pilotsuz təyyarələrini almaq istəyir. Polşa isə sifarişli Patriot, HIMARS zenit-raket kompleksləri, F-16 qırıcıları və Abrams tanklarını gözləyir.

Daha əvvəl ABŞ Hərbi Hava Qüvvələri NATO missiyasını dəstəkləmək və Rusiyanı cilovlamaq üçün Polşaya beşinci nəsil Boeing F-22 Raptor qırıcılarını göndərmək qərarına gəlib. Eyni zamanda, Varşava Kiyevə verilən Rusiya T-72-lərini əvəz etmək üçün Vaşinqtondan istismardan çıxarılan 116 Abrams tankı almağa qərar verdi.

İlk tədarüklər gələn ilin əvvəlində həyata keçirilməlidir.

Xatırladaq ki, 2022-ci il fevralın 24-də Rusiya Prezidenti Vladimir Putin Ukraynada xüsusi əməliyyat elan edib.