BBC-nin keçmiş aparıcısı Con Keyn 1970-ci illərin sonlarında 15 yaşlı oğlana qarşı cinsi istismarda günahkar bilinib.

Son.az bildirir ki, Birmingham Mail xəbər verir ki, 69 yaşlı jurnalist 40 ildən çox əvvəl təcavüz etdiyinə görə 8 il həbs cəzasına məhkum edilib.

Məhkəmənin məlumatına görə, Keyn ATV, Central News və BBC radiosunda çalışıb və onun azyaşlı qurbanı yayımla maraqlanıb. Məlum olub ki, Keyn həm də yeniyetmənin ailə dostu olub. O, parıldayan idman avtomobili və BBC karyerası ilə oğlanı "təəssüratlandırıb". Aparıcı, əlavə olaraq, azyaşlı üçün radio stansiyasına "pərdəarxası" ziyarətlər təşkil edib.

İstintaq müəyyən edib ki, Keyn oğlanı zorlayarkən, şəxsiyyəti məlum olmayan başqa bir şəxs yeniyetməni tutub. Cinayəti törədən zaman pedofilin qurbanının hələ 16 yaşı olmadığı göstərilib.

Prokuror Ceyms Uilson da məhkəmədə zərərçəkənin zorlamadan uzun illər sonra verdiyi açıqlama ilə çıxış edib. Kişinin dediyinə görə, cinsi zorakılıq "onun bütün həyatını məhv edib". O, həyatının "hər mümkün aspektinə müdaxilə edən" "xüsusi güclü günahkarlıq hissi ilə" yaşamağa məcbur olub.

İrfan Vəliyev Son.az