Azərbaycanda hələ ki, rəsmi olaraq meymunçiçəyinə yoluxma aşkarlanmayıb.

Son.az bakupost-a istinadən xəbər verir ki, amma bir çox həkimlərin dediyinə görə, poliklinikalara suçiçəyi əlamətləri ilə xəstələr gəlir, onlara isə adi suçiçəyi diaqnozu qoyulur. Bəs insan özündə meymunçiçəyi əlamətləri hiss edərsə, dövlət hesabına harada, necə test verməlidir? Koronavirusda olduğu kimi bu dəfə də təcili yardım xidməti xəstə evdən çıxmadan ünvanda bu testi götürəcəkmi?

Nazirlikdən bildirildi ki, meymunçiçəyinin diaqnostikası yalnız Səhiyyə nazirliyinin tabeliyində olan Xüsusi Təhlükəli İnfeksiyalara Nəzarət Mərkəzində aparılır.

"Meymuçiçəyi xəstəliyinin diaqnostik testlərinin alınıb ölkəyə gətirilməsi üçün Ümumdünya Səhiyyə Təşkilatına (ÜST) müraciət olunub. ÜST tərəfindən ölkəmizə gətirilən 3 min diaqnostik test Səhiyyə Nazirliyinin Xüsusi Təhlükəli İnfeksiyalara Nəzarət Mərkəzinə təhvil verilib və ordadır.