Rusiyada təyyarə qəzaya uğrayıb,
Dünya 24 İyn 2022 07:48:00 171 0
"İl-76" hərbi-nəqliyyat təyyarəsi mühərrik nasazlığı səbəbindən Rusiyanın Ryazan vilayəti yaxınlığında sərt eniş edib, qismən yerdə dağılıb, zərərçəkənlər tibb müəssisələrinə aparılıb.
Son.az Trend-ə istinadən xəbər verir ki, bu barədə Rusiya Müdafiə Nazirliyi bildirib.
"İyunun 24-də "İl-76" hərbi-nəqliyyat təyyarəsi Ryazan vilayətində sərt eniş edib. Yüksüz təlim uçuşu zamanı müəyyən edilmiş mühərrik nasazlığı səbəbindən ekipaj yerə enmək qərarına gəlib", - deyə Nazirlik qeyd edib.
Məlumata əsasən, xəsarət alan ekipaj üzvləri tibb müəssisələrinə yerləşdirilib.
Daha əvvəl mənbədən verilən məlumata görə, Ryazan yaxınlığında "İl-76" təyyarəsinin qəzaya uğraması nəticəsində 6 nəfərin yaralandığını, daha 3 nəfərin ölüb.
Mənbə: milli.az