Allahı xatırladan ən yaxşı vasitə


Digərləri 23 İyn 2022 23:20:00 131 0

Allahı xatırladan ən yaxşı vasitə

... وَأَقِمِ الصَّلَاةَ لِذِكْرِي

"Məni xatırlamaq üçün namaz qıl!" (Taha, 14).

İzah: Namazın bir çox hikmətləri və faydaları vardır. Allahı yad etmək, günah və pis işlərdən çəkinmək, ruhun paklanması, iradənin güclənməsi, təkəbbür və qürurun aradan qalxması və s. bu faydalardandır.

Bütün bunlarla yanaşı namazın ən mühüm hikməti davamlı olaraq Allahı yad etməkdir. Allahı yad etmək ürəklərin təskinlik, bəndələrin (qəflətdən) oyanma səbəbi olduğu üçün namaz da təskinlik və qəflət yuxusundan oyanma vasitəsidir.

Əgər namazı Allahı yad etməyin bariz nümunəsi hesab etsək, - bu həqiqətən də belədir - onu tərk etmək Allahı xatırlamağı tərk etmək deməkdir və məişətdə sıxıntı, dünya və axirətdə bəsirətsizlik kimi nəticələr törədir.