“Vaxtilə deyirdilər ki, filankəsin qızı ətlicanlıdır, kiminsə gəlini arıq olanda deyirdilər ki..."
Şou-biznes 22 İyn 2022 13:30:00 119 0
"O vaxt deyirdilər ki, filankəsin qızı, gəlini "ətli-canlıdır". Kimin gəlini arıq olurdusa zarafatca deyirdilər ki, gəlini ac saxlayırlar. İndi artıq o zəmanə gedib, hamı özünü arıqladır, çəki atır. Biri gedib mədə kiçiltmə edir, biri balon qoyur, digəri dietoloqa gedir. Mənim bunları etməyə dözümüm, səbrim, iradəm yoxdur. Yeməyi sevən insanam, xüsusilə də ət yeməklərini sevirəm".
Son.az xəbər verir ki, bunu moderator.az-a açıqlamasında tanınmış aktrisa Xuraman Əlizadə deyib. O, daha sonra əlavə edib.
"Bəzən sosial şəbəkələrdə köklüyümü təhqir edirlər. İnanın buna görə elə pis oluram. Bilirəm ki, mən çəkimi ata bilməyəcəm. Nə edim, bunu bacarmıram, arıqlaya bilmirəm. Məni belə qəbul ediblər. Sevənlərim, böyük tamaşaçı kütləm var. İştahım böyükdür, nə edim?" deyə sənətçi bildirib.
Xuraman Əlizadə xınayaxdı məclislərinin olmamasından da şikayətlənib.
Mənbə: milli.az