1. Allahın mehriban olmasından agah olmalıyıq. "De: "O (sizi tövhidinə dəvət etdiyim kəs bütün varlıq aləminə) rəhmət bəxş edən Allahdır, Ona iman gətirdik və Ona təvəkkül etdik. Beləliklə, tezliklə kimin açıq-aşkar bir azğınlıqda olduğunu biləcəksiniz"". ("Mülk" 29).

Allaha təvəkkül etməyin ən mühüm amili odur ki, Onu hamıdan çox özünə qarşı mehriban biləsən. Onun bəndələrinə qarşı xeyirxah olduğundan şübhən olmasın.

2. Biləsən ki, Allah sənin üçün nə xeyirli olduğunu yaxşı bilir. "Bizim Rəbbimiz elm və agahlıq baxımından hər şeyi əhatə etmişdir. Biz yalnız Allaha təvəkkül etmişik. Ey Rəbbimiz, bizimlə qövmümüz arasında haqq əsasında hökm çıxar və (ixtilafı) həll et ki, sən hakim və həll edənlərin ən yaxşısısan". ("Əraf" 89).

Allaha təvəkkül etmək üçün bəndə əmin olmalıdır ki, Allah onun üçün ən yaxşısını istəyir. Çünki onun həm zahirindən və həm də batinindən agahdır.

3. Allah bəndələrin xeyirxahıdır. "Allah bizi öz yollarımıza (dünya və axirət kamilliklərinə) hidayət etdiyi halda, biz nə üçün də Ona təvəkkül etməməliyik?! Şübhəsiz, bizə verdiyiniz əzab-əziyyətlərə səbir edəcəyik. Təvəkkül edənlər gərək yalnız Allaha təvəkkül etsinlər". ("İbrahim" 12).

Bizi Allah xəlq etdiyi üçün insana nəyin xeyirli və nəyin zərərli olduğunu insanın özündən daha yaxşı bilir.

4. Allahın qüdrətli olduğuna inanmaq. "Kim Allaha təvəkkül etsə, şübhəsiz (qalibdir, çünki) Allah yenilməz qüdrət və hikmət sahibidir". ("Ənfal" 49).

"Kim Allaha təvəkkül etsə, O ona kifayət edər; şübhəsiz, Allah Öz əmrini çatdıran və iradəsini həyata keçirəndir". ("Təlaq" 3).

5. Hər kim Allaha təvəkkül edər, onun işi natamam qalmaz. "Heç vaxt ölməyən O diriyə təvəkkül et və Onu həmd-səna ilə birgə pak sifətlərlə mədh et (və hər bir nöqsandan uzaq və pak bil). Bəndələrinin günahlarından Onun xəbərdar olması kifayətdir". ("Furqan" 25).

Allah elə bir vəkildir ki, yox olmur, yorulmur və qəflətə düşmür. (İslami saytlara istinadən)