Arvadını öldürüb, qayınanası və qaynını bıçaqlayan şəxsdən


Digərləri 15 İyn 2022 10:00:00 120 0

Arvadını öldürüb, qayınanası və qaynını bıçaqlayan şəxsdən

Bakıda həyat yoldaşını qətlə yetirib, qayınanası və qaynını bıçaqlayan şəxsin cinayət işi üzrə ibtidai istintaq yekunlaşıb.

Son.az Trend-ə istinadən bildirir ki, cinayət işinin materialları toplanaraq Bakı Ağır Cinayətlər Məhkəməsinə göndərilib.

Cinayət işi hakim Azər Paşayevin icraatına verilib.

İttihama görə, fevralın 25-də Xətai rayonu ərazisində 1 nəfər şəxsin aldığı xəsarətlərdən ölməsi, 2 nəfər şəxsin isə xəsarətlər alması barədə rayon prokurorluğuna məlumat daxil olub.

Aparılmış ilkin araşdırmalarla müəyyən edilib ki, Bəxtiyar Məmmədov şəxsi münasibətlər zəminində aralarında yaranmış münaqişə zamanı yaşadıqları evdə arvadı Ülkər Məmmədova, qaynı Heydər Hacıyev və qayınanası Fəridə Hacıyevaya bıçaqla xəsarətlər yetirib. Nəticədə Ülkər Məmmədova aldığı bədən xəsarətləri səbəbindən hadisə yerində ölüb.

Faktla bağlı Xətai rayon prokurorluğunda Cinayət Məcəlləsinin 120.1-ci (qəsdən adam öldürmə) maddəsi ilə cinayət işi başlanıb.