Ukraynanın Almaniyadakı səfiri Andrey Melnik bildirib ki, Almaniya iyunun 22-də Ukraynaya "Panzerhaubitze 2000" haubitsalarını çatdırmaq niyyətindədir.

Son.az bildirir ki, o, bu barədə "Avropa həqiqəti"ə müsahibəsində danışıb.

Səfir qeyd edib ki, vədlərə baxmayaraq, Almaniya hələ də Ukraynaya bir dənə də olsun ağır silah tədarük etməyib.

"Bu gün Rusiya Federasiyasının Ukraynaya qarşı müharibəsinin 105-ci günündə bir dənə də olsun, təkrar edirəm, bir dənə də olsun ağır texnika - ən azı artilleriya, haubitsa, piyada döyüş maşınları, tanklar - bir dənə də olsun, Ukraynaya çatdırılmayıb", - deyə o qeyd edib.

Səfir qeyd edib ki, bununla belə, yaxın vaxtlarda ağır silahların tədarükü ilə bağlı ən azı iki vədin yerinə yetiriləcəyi gözlənilir.

"Bizə təhvil veriləcək 7 özüyeriyən haubitsa - biz bu sistemləri iyunun 22-də alacağıq", - Melnik bildirib.

Özüyeriyən zenit silahı Gepard-ın daha sonra çatdırılması gözlənilir.

"Bu da köhnə silahdır - 30 ədəd: 15 Gepard - iyulun sonuna qədər, daha 15 - avqustun sonuna qədər. Yəni Almaniya hökumətinin indiyə qədər elan etdiyi qərarlardan yalnız 2-si həyata keçirilir", - deyə o əlavə edib.

Melnik bir gün əvvəl Almaniyanın son aylar Rusiyadan idxalını artırdığına diqqət çəkib.

Bundan əvvəl "Spigel" yazıb ki, Şoltsun Ukraynaya hərbi yardımı artırmaqla bağlı açıqlamalarına baxmayaraq, Ukrayna hələ də bir dənə də olsun ağır alman silahı almayıb.

Aslan Məmmədov Son.az