Son.az "qafqazinfo"ya istinadən xəbər verir ki, bu haqda Ukraynanın xarici işlər naziri Dmitri Kuleba tviter hesabında yazıb.

"Rusiya deyir ki, Ukrayna Prezidenti Volodimir Zelenskinin 24 fevraldan əvvəlki xəttin arxasına çəkilmələri tələbi "ciddi deyil". Bu, Rusiyanın diplomatiyaya deyil, müharibəyə fokuslandığını sübut edir və dünyaya aydın mesaj göndərir: Rusiyanın danışıqlar masasına gedən yolu döyüş meydanında məğlubiyyətindən keçir", - Kuleba qeyd edib.

Qeyd edək ki, Rusiyanın xarici işlər naziri Sergey Lavrov Putin və Zelenski arasında görüşün perspektivləri barədə danışarkən deyib ki, Ukrayna Prezidenti Volodimir Zelenski görüş xətrinə görüş istəyir, ilk növbədə danışıqlarda iştirak edən komandanın öz işini bərpa etməsi lazımdır.