Son.az Trend-ə istinadən xəbər verir ki, bunu Azərbaycan Minatəmizləmə Agentliyinin sədr müavini Samir Poladov Aİ ilə BMT İnkişaf Proqramının azad edilmiş ərazilərdə minaların təmizlənməsi prosesinə yardıma yönəlmiş birgə layihənin təqdimatı zamanı deyib.

"Bu layihə minaların təmizlənməsi prosesinin dəstəklənməsi məqsədilə vacib texniki köməyin göstərilməsinə yönəlib", - deyə o bildirib.

Onun sözlərinə görə, 2020-ci ilin noyabrından minaların partlaması nəticəsində 39 nəfər həlak olub, 184 nəfər yaralanıb. Mina insidentlərinin ümumi sayı 223-ə çatıb.