Paytaxtda gözlənilən böyük söküntü


Digərləri 14 May 2022 19:15:00 85 0

Paytaxtda gözlənilən böyük söküntü

Əmlak ekspertinin qənaətincə, Bakı ərazisində 122 min binanın söküləcəyi inandırıcı deyil. Çünki hazırda Bakı və Abşeronda ümumilikdə 35-40 minə qədər çoxmənzilli yaşayış binası ancaq olar.

Bakı şəhərinin 2020-2040-cı illəri əhatə edən Baş planına əsasən, paytaxtda 122 minə yaxın yaşayış binası söküləcək. Dövlət Şəhərsalma və Arxitektura Komitəsinin hazırladığı Baş planda ərazilərin zonalaşdırılması, yeni mühəndis-kommunikasiya sistemləri, nəqliyyat infrastrukturunun yenilənməsi kimi mühüm dəyişikliklər nəzərdə tutulub.

Maraqlıdır, bütün bu işlər görülən zaman paytaxtın hansı ərazisində daha çox söküntülər olacaq? 122 minə yaxın yaşayış binasına hansı kateqoriya binalar daxildir? Böyük söküntüyə yalnız "Xruşşovka", "Stalinka", "Leninqrad" layihəli binalar daxil olacaq, yoxsa əsasən, bir-iki mərtəbəli binalar, həyət evləri söküləcək? Bu söküntülər əmlak bazarına necə təsir edəcək?

İstismar müddəti ötmüş çoxmənzilli 11 min bina

Son.az xəbər verir ki, mövzu ilə bağlı fikirlərini "Kaspi" qəzetinə bölüşən əmlak eksperti Elnur Fərzəliyev Bakı şəhəri ərazisində 122 min binanın sökülməsi məsələsinə şübhə ilə yanaşıb. Bildirib ki, Bakı və Abşeronda ümumilikdə 35-40 minə qədər çoxmənzilli yaşayış binası ancaq olar. Ekspertin sözlərinə görə, paytaxtda istismar müddətini başa vurmuş cəmi 11 minə yaxın bina var ki, onların da içində 100-dən bir qədər artığı qəzalı vəziyyətdədir: "Bakı şəhərinin Baş planı sonuncu dəfə 1986-cı ildə hazırlanıb. İndiyə qədər ötən vaxt ərzində paytaxt əhalisi 3 dəfəyə qədər artıb. Zamanında müəyyən normativlərlə qorunan binalararası məsafələr, yaşıllıqlar, parklar və sair ərazilər bu gün çoxmənzilli yeni yaşayış binaları, müxtəlif obyektlərlə əvəzlənib. Bu zaman tikinti norma və prinsipləri tamamilə pozulub. O səbəbdən artıq bir neçə ildir ki, Bakı şəhərinin Baş planının hazırlanması üzərində iş gedir. Hazırda paytaxt ərazisində 11 minə yaxın çoxmənzilli bina istismar müddətini başa vurub. Onlar 60-70-ci illərdə inşa olunub. 100-dən artıq çoxmənzilli bina isə tamamilə qəzalı vəziyyətdədir. Həmin binalar zamanla sökülür və yeniləri ilə əvəzlənir".

Köhnə binalar sökülüb yenisi ilə əvəzlənir

Ekspert qeyd edib ki, paytaxtda pilot layihələr üzrə sökülən hər beşmərtəbəli binanın yerində 15-20 mərtəbəli yeni çoxmənzilli bina inşa edilir. Onun fikrincə, bu binalar tikilən zaman bəzi hallarda normativlər gözlənilmir, həyətyanı sahə, park, avtopark yeri, iaşə obyektləri nəzərə alınmır: "Bakı şəhərinin hazırlanmaqda olan yeni Baş planı üzrə paytaxtda müəyyən söküntü, tikinti-quruculuq tədbirləri həyata keçiriləcək. Baş planın təsdiqlənməsi o deməkdir ki, tikilən və ya tikiləcək binalar həmin plana uyğundur. Yaxud Baş plan təsdiqlənməyib, lakin köhnə binalar sökülüb yenisi ilə əvəzlənir. Paytaxtın mərkəzində və mərkəzə yaxın ərazilərdə çoxmənzilli yaşayış binalarının tikintisi üçün torpaq sahələri qalmayıb. Hazırda satışda olan torpaq sahələri isə fantastik qiymətə təklif olunur. Bu qiymətə torpaq sahəsi alıb çoxmənzilli bina inşa etdirmək tikinti şirkətinə sərf etmir. Tikintinin maya dəyəri həddən artıq baha olur. Ona görə də bəzi tikinti şirkətləri köhnə binaları alıb yerində yeni çoxmənzilli bina tikirlər. Bu da gələcəkdə hazır olacaq və tətbiq olunacaq Baş planın tam əksinədir. Köhnə binalar sökülüb yenisi inşa edilən zaman tikinti normativləri gözlənilmir".

Paytaxtın ən yaxşı, ən nümunəvi layihəsi

E.Fərzəliyev söyləyib ki, paytaxt ərazisində sökülən binalar, əsasən, Yasamal, Binəqədi, Nəsimi, Nərimanov rayonlarındakı "Xruşşovka", alman layihəli binalardır. Ekspertin sözlərinə görə, bu binaların ərazisində yeni hündürmərtəbəli binaları yerləşdirmək olur: "Paytaxtın tam mərkəzində 2,3,4 mərtəbəli binalar var ki, həmin binaları söküb yerində çoxmənzilli, hündürmərtəbəli yeni binanı inşa etmək qeyri-mümkündür. O ərazilərdə standartlara uyğun olaraq avtoparkinq, istirahət guşəsi, iaşə obyektləri və sair yaratmaq üçün yer yoxdur. Məhz buna görə də həmin binaların alınmasına, sökülməsinə tikinti şirkətləri maraq göstərmirlər. Paytaxtda ən yaxşı, ən nümunəvi layihələrdən biri "Ağ şəhər"dir. Orada ərazi dövlət tərəfindən söküldü, insanlar köçürüldü, təmizlik işləri aparıldı və tikinti şirkətlərinə yalnız müəyyən olunmuş layihə üzrə tikinti işi aparılması üçün verildi. Burada təxminən 10-12 mərtəbəli yaşayış binaları tikilib. Tikinti müddətində binalararası məsafələr, normativlər tamamilə qorunub. Hazırda tikilən çoxmənzilli binalarda və həyət evlərində də normativlər mütləq şəkildə gözlənilməlidir ki, gələcəkdə Baş plan tam hazır olanda dövlət milyardlarla manat həcmində zərərə düşməsin. Çünki bu gün atılan hər hansı yanlış addım gələcəkdə dövlət büdcəsinə böyük maliyyə itkisi yaşada bilər. Burada söhbət hansısa binanın və ya həyət evlərinin sökülməsindən, vətəndaşlara kompensasiya ödənməsindən, köçürülməsindən, ərazinin təmizlənməsindən gedir".

Sənədi olmayan 500 mindən çox həyət evinin aqibəti

Ekspert şimal tərəfdən paytaxt ərazisinin Abşeron rayonunun Xırdalan şəhərinə, oradan isə Sumqayıt şəhərinə həyət evləri vasitəsilə birləşməsinə də diqqət çəkib. Rəsmi məlumata görə, təkcə Bakı və Abşeronda 500 mindən çox çıxarışı - sənədləri olmayan fərdi həyət evlərinin olduğunu vurğulayıb. Bildirib ki, zamanla belə yaşayış məntəqələrinin sökülərək köçürülməsi gözlənilir: "Çıxarışın olmamasının müxtəlif səbəblər var. Həmin səbəblərdən biri də budur ki, həmin yaşayış məntəqələrinin bir hissəsi qadağan olunmuş ərazilərdə tikilib. Yəni, neft buruqlarının ətrafında, yüksəkgərginlikli elektrik xəttinin altında, vulkanik dağların ətəyində tikilən evlərə qanunla sənədlərin verilməsi qeyri-mümkündür. Zamanla belə yaşayış məntəqələrinin sökülərək köçürülməsi gözlənilir. Amma paytaxtdan kənardakı çoxmənzilli binaları almaq və yerində yenisini tikmək tikinti şirkətlərinə sərf etmir. Çünki o ərazilərdə əhalinin alıcılıq qabiliyyəti tələbat mərkəzdə olduğu səviyyədə deyil".

“Greencard” sizi ev və işlə təmin etmir… like
  • 14 May 19:07  
Digərləri “Greencard” sizi ev və işlə təmin etmir…

Son.az "Kaspi"də dərc olunan məqaləni təqdim edir.

arrow Ətraflı
Ana və azyaşlı övladları son anda ölümdən qurtuldular  anbaan VİDEO like
  • 14 May 19:00  
Digərləri Ana və azyaşlı övladları son anda ölümdən qurtuldular anbaan VİDEO

Türkiyənin İstanbul şəhərində küçədə dönmək istəyən yük maşın

arrow Ətraflı
Bakıda qeyriadi oğurluq: oyun aparatını ağlagəlməz üsulla apardı  VİDEO like
  • 14 May 18:45  
Digərləri Bakıda qeyriadi oğurluq: oyun aparatını ağlagəlməz üsulla apardı VİDEO

Obyektə  ''playstation'' oynamaq adı ilə daxil olur, lakin s

arrow Ətraflı
Rusiya Finlandiyanın "işığını kəsdi" like
  • 14 May 18:37  
Dünya Rusiya Finlandiyanın "işığını kəsdi"

Rusiyanın "İnter RAO" şirkətinin törəmə müəssisəsi olan &quo

arrow Ətraflı
Şeyma bu dəfə qızı ilə qaydaları pozdu  FOTO like
  • 14 May 18:30  
Şou-biznes Şeyma bu dəfə qızı ilə qaydaları pozdu FOTO

Türkiyəli fenomen Şeyma Subaşı ötən gün qızı Melisa ilə İstanbulda b

arrow Ətraflı
Ukraynadan Almaniyaya 700 mindən çox insan gedib like
  • 14 May 17:52  
Dünya Ukraynadan Almaniyaya 700 mindən çox insan gedib

"Welt am Sonntag" qəzeti Almaniya Daxili İşlər Nazirliyinin məlum

arrow Ətraflı
"Millət konsert hayında deyil, müğənni toya getməlidir"  Flora Kərimova like
  • 14 May 17:45  
Şou-biznes "Millət konsert hayında deyil, müğənni toya getməlidir" Flora Kərimova

"İstəyirəm musiqimi, klassiklərimizi qoruyum. Bu tariximizdir. Tələb

arrow Ətraflı
Rusiya Finlandiya və İsveçlə bağlı rəsmi mövqeyini açıqladı like
  • 14 May 17:37  
Dünya Rusiya Finlandiya və İsveçlə bağlı rəsmi mövqeyini açıqladı

"Rusiyanın Finlandiya və İsveçə qarşı düşmənçilik niyyəti yoxdu

arrow Ətraflı
Yumurta yenə bahalaşacaq?  ARAŞDIRMA like
  • 14 May 17:30  
Digərləri Yumurta yenə bahalaşacaq? ARAŞDIRMA

Ekspertlər hesab edirlər ki, yumurtanın ixracı daxili bazarda bahalaşmaya s

arrow Ətraflı
İşsiz qalan azərbaycanlı model: "CV göndərdim, baxan olmadı"  FOTO like
  • 14 May 17:22  
Şou-biznes İşsiz qalan azərbaycanlı model: "CV göndərdim, baxan olmadı" FOTO

Azərbaycanlı model Rüstəm Cəbrayılov uzun müddətdir işsizdir.

arrow Ətraflı
Bayden yenə öz vəzifəsi ilə Kamalanınkını qarışdırdı  VİDEO like
  • 14 May 17:15  
Dünya Bayden yenə öz vəzifəsi ilə Kamalanınkını qarışdırdı VİDEO

ABŞ Prezidenti Co Bayden növbəti dəfə səhvən ölkənin vitse-prezidenti K

arrow Ətraflı
27 minə yaxın Ukrayna vətəndaşı Belarusa gedib like
  • 14 May 17:07  
Dünya 27 minə yaxın Ukrayna vətəndaşı Belarusa gedib

Belarus Dövlət Sərhəd Komitəsi fevralın 24-dən bu yana 27 minə yaxın Uk

arrow Ətraflı