Tarixin tikanlığında şərqi deyənlər: onlar 5ci yox, heç


Siyasət 13 May 2022 12:41:00 95 0

Tarixin tikanlığında şərqi deyənlər: onlar 5ci yox, heç

Avstraliyalı yazıçı Kolin MakKalou " The Thorn Birds" ("Tikanlıqda şərqi deyənlər) romanını 1977-ci ildə dərc etdirəndən sonra demişdi: "Kimin harada necə danışması önəmli deyil. Önəmli olan həmin adamın nə deməsidir".

1983-cü ildə həmin əsərin motivləri əsasında çəkilmiş mini-serial dünyada məşhurlaşandan sonra dünyaca ünlü amerikalı filosof və futuroloq Jak Fresko söyləmişdi: "Savadlı və təhsilli insanların nəzarətə ehtiyacı yoxdur: məhz bu səbəbdən özlərini siyasətçi hesab edənlər savadsız savadlıları ətrafına cəlb etməyə çalışır".

Azərbaycan müxalifətinin unudulmuş, nimdaş və köhnəlmiş şüarları istehsal etməkdən usanmayaraq inadkarlıqla mövcudluqlarına əvvəl özlərini, sonra da ətrafdakıları inandırmağa çalışan qismi yenə fəallaşıb.

Onları "beşinci kolon" da adlandırırlar, amma belə deyil.

Daha doğrusu, bu siyasi marionetlər 5-ci yox, heç 55-ci kolon da deyillər.

"Beşinci kolon" ifadəsinin tarixi və etimologiyasını xatırlayaq.

1936-1939-cu illər. Vətəndaş müharibəsinin ən qızğın dönəmi. General Franko agentlərini səciyyələndirmək üçün dövriyyəyə "quinta columna", yəni "beşinci kolon" ifadəsi buraxılır.

4 sütunlu otağın 5-ci sütunu sayılan bu adamlar daxildəki düşmənlər təki anlaşılırdılar.

Əslində, beşinci kolon tarixdə olub.

1936-cı ildə Madridə yürüş zamanı frankistlərin ordusuna başçılıq edən general Emilio Mole demişdi: "Madrid sakinlərinə sözüm var! Şəhərdə 4 ordu kolonu ilə yanaşı, həlledici məqamda arxadan zərbə endirəcək beşinci kolonumuz da var".

Azərbaycanda zamanın amansız sınağından keçə bilməyərək miskinləşmiş psevdosiyasi fiqurların indi fəallaşması ilə bağlı bu panoptikum mənsublarını "beşinci kolon" adlandırmaq, məncə, onların potensialını və imkanlarını olduğundan artıq dəyərləndirmək olardı.

Ancaq bir vacib nüans da var ki, onu heç bir vəchlə nəzərdən qaçırmaq olmaz. Belə ki, ABŞ-ın NED (National Endowment for Democracy) adlanan fondunun Azərbaycan üçün 2022-ci il üzrə ayırdığı təsdiqlənmiş qrantın ümumi məbləği nə az, nə çox, düz 970 min 235 dollar təşkil edir. Maraqlıdır ki, bu məbləğin 400 min dollara yaxını (398 min 837) Bakıda və bölgələrdə vətəndaş iştirakçılığının aktivliyinin artırılması, insan hüquqlarının müdafiəsi adı altında etirazların təşkili, insan hüquqlarının qorunmasının monitorinqi və digər bu kimi məsələlərin maliyyələşdirilməsi ilə bağlı layihələrin gerçəkləşdirilməsinə yönəldilib.

Üstəlik, NED-in 2022-ci ildə Azərbaycana ayırdığı təsdiqlənmiş qrantlarda may ayında təcili qrantların maliyyələşdirilməsi ilə bağlı bənd var. NED və bu tip institutların təcrübəsində "təcili qrantların ayrılması" hansısa prosesi təcili maliyyələşdirmək üçün nəzərdə tutulur. NED-in verdiyi elandan da bəlli olur ki, təcili qrantların ayrılması mayın 25-nə qədər olan dövrü əhatə edir.

Sirr deyil ki, Azərbaycanda hər dəfə nüfuzlu beynəlxalq tədbirlər keçirilərkən ölkəmizə qarşı təzyiq vasitəsi kimi bu cür alətlərdən istifadə edilir. Qarşıdan növbəti belə tədbir gəlir. Belə ki, iyunun 10-12-də Bakıda Formula-1 üzrə qran-pri yarışması keçiriləcək. Belə bir məqamda həmin təcili qrant layihəsini icra edən beşinci kolonun Aytən Məmmədova ilə bağlı baş vermiş məişət hadisəsini qabartması, Azərbaycanda insan hüquqlarının kobud şəkildə pozulduğu görüntüsü yaratmaq cəhdi təsadüfi sayıla bilməz. Bu da diqqətçəkicidir ki, Aytən Məmmədova ilə bağlı hadisəyə ABŞ-ın Azərbaycandakı səfirliyi, hətta ABŞ Dövlət Departamenti dərhal reaksiya verib. Eyni zamanda özlərini "fəallar" adlandıran şəxslər aksiya təyin ediblər. Güman etmək olar ki, bununla da Formula-1-in keçiriləcəyi günlərdə təşkil olunacaq daha bir anti-Azərbaycan kampaniyanın bünövrəsi qoyulur.

Eyni zamanda artıq bir həftədən çoxdur Ermənistanda səngiməyən etiraz aksiyaları, İrəvanda vətəndaşların, fəalların həbsinə, aksiyaların amansızlıqla dağıdılmasına dair onlarla faktlara nə ABŞ-ın İrəvandakı səfirliyi, nə Dövlət Departamenti, nə də beynəlxalq təşkilatlar reaksiya verir.

Ermənistanda yaşanan bu olayları görməzdən gələn rəsmi Vaşinqtonun Azərbaycanda adi məişət hadisəsinə Dövlət Departamenti səviyyəsində reaksiyasını Ermənistanda Corc Sorosun yetirmələrinin vəhşiliklərindən diqqəti yayındırmaq olduğunu da görməmək mümkün deyil.

Kollektiv Qərb Azərbaycanda olan 30 il ərzində şüarları, sözləri, davranışları, modelləri dəyişməyən bir yığnağa yenə "stavka" etməkdədir.

Əfsuslar olsun ki, sərt də olsa, mən müxalifətçilərdən üzr istəyərək bunu deyirəm. Sani-dildən, səmimi qəlbdən, sidq-ürəkdən istəyirəm ki, Azərbaycanda güclü müxalifət olsun. Çünki güclü müxalifət hakimiyyətin daha da güclənməsi, üstəlik vətəndaşların sosial rifah halının yüksəlməsi deməkdir. Lakin Azərbaycanda belə müxalifət yoxdur və üfüqdə də görünmür. Müxalifətin proqramı varmı? Yox! Konkret istəklər məcmusu var. Amma bu istəklərin yerinə yetirilməsi məcmusu yoxdur. Kollektiv Qərb adlandırdığımız ABŞ və Avropa İttifaqı da Azərbaycanda müxalifətin güclənməsini istəyirlər. Lakin onlar seçim qarşısında qaldıqları üçün bilmirlər kimə pul versinlər ki, Azərbaycan hakimiyyətinə pressinq və təzyiq vasitəsi olaraq öz marionetkalarından istifadə etsinlər.

Ermənistan müxalifətindən fərqli olaraq Azərbaycanın radikallaşmış, həddindən artıq aqressivləşmiş müxalif kəsimi çoxdan tarixin arxivinə atılıblar, özlərinin xəbəri yoxdur.

Bu adamlar nə istədiklərini bilmirlər. Dedikləri demokratiya, azadlıq, azad seçkidir, vəssəlam. 30 ildir dəyişməyən şüarlar. Klişe, nimdaş çağırışlar. Bütün bunların məcmusu olaraq onlarda ümumi ümidsizlik, ümumi apatiya hökm sürür. Düşünün ki, bu adamlar mitinqlərə adam çağırırlar və deyirlər ki, hakimiyyət mitinqlərə adam gəlməyə qoymur. Bunca porodoksal ideotizmə mən hələ rast gəlməmişəm. Hansı ölkədə hakimiyyət çalışır ki, müxalifət yığışsın, onu devirməyə çalışsın. Bu absurddur. Bütün ölkələrdə hakimiyyət çalışır ki, müxalifətin mitinqləri mümkün qədər azsaylı olsun.

Bütün bu səbəblər üzündən ABŞ Ermənistan müxalifətinə sadə dillə desək, heç nə demir:

Yəni ABŞ Ermənistan müxalifətinin aksiyaları ilə bağlı açıqlama vermir. Azərbaycan müxalifətinə isə hər cür istiqamət verməyə çalışır. Çünki Azərbaycan müxalifətinin öz-özünü idarə etmə mexanizminə malik olmadığını yaxşı bilir. Yaxşı bilir ki, o hətta aldığı göstərişləri, təlimatları və əmrləri belə həyata keçirməkdə acizdir.

Siysət yolunun kənarındakı tikanlıqda populist şərqilər demək siyasətçi olmaq deyil.

Dörd sütunlu otaqda beşinci sütun kimi görünməyə cəhdlər olsa da...

Elçin Alıoğlu Son.az

Ağdamda mina partladı: like
  • 13 May 12:38  
Digərləri Ağdamda mina partladı:

Bu gün Ağdam rayonu ərazisində minatəmizləmə əməliyyatı zamanı Fövq

arrow Ətraflı
"Bu barədə heç bir şərh verməyəcəyəm" like
  • 13 May 12:36  
Digərləri "Bu barədə heç bir şərh verməyəcəyəm"

"Bu barədə heç bir şərh verməyəcəyəm. Milli Kulinariya Mərkəzi D

arrow Ətraflı
Saxta qazilərin saxta oyunları like
  • 13 May 12:31  
Digərləri Saxta qazilərin saxta oyunları

Ölkəmizdə şəhid ailələri və müharibə veteranlarına diqqət və qayğ

arrow Ətraflı
Bakının əxlaqsızlıq təbliğ edən iaşə obyektləri və hotelləri like
  • 13 May 12:18  
Digərləri Bakının əxlaqsızlıq təbliğ edən iaşə obyektləri və hotelləri

Son günlər yerli KİV-də, eləcə də bir çox sosial platformalarda tez-tez

arrow Ətraflı
Gecə ərzində Sumı rayonuna iki dəfə raket zərbəsi endirilib like
  • 13 May 12:12  
Dünya Gecə ərzində Sumı rayonuna iki dəfə raket zərbəsi endirilib

Mayın 13-nə keçən gecə Rusiya Sumı rayonunun Oçkin sərhəd kəndinə iki

arrow Ətraflı
Daha tez pensiyaya çıxa biləcək şəxslərin siyahısı genişləndirilir like
  • 13 May 12:10  
Digərləri Daha tez pensiyaya çıxa biləcək şəxslərin siyahısı genişləndirilir

Daha tez pensiyaya çıxa biləcək şəxslərin siyahısı genişləndirilir.

arrow Ətraflı
Kimlərin əmək pensiyaları yenidən hesablanaraq artırılacaq? like
  • 13 May 12:09  
Digərləri Kimlərin əmək pensiyaları yenidən hesablanaraq artırılacaq?

"Əmək pensiyaları haqqında" qanuna dəyişikliklərdən biri də a

arrow Ətraflı
Xocasən sakinlərinə ŞAD XƏBƏR: metro stansiyası bu tarixdə istifadəyə verilə bilər like
  • 13 May 12:00  
Digərləri Xocasən sakinlərinə ŞAD XƏBƏR: metro stansiyası bu tarixdə istifadəyə verilə bilər

Bu ilin sonuna kimi Xocasəndə inşa olunan qatar deposu və metro stansiyası

arrow Ətraflı
Azərbaycanda pensiyaçılara pensiya növünü seçmək hüququ təsdiqləndi like
  • 13 May 11:58  
Digərləri Azərbaycanda pensiyaçılara pensiya növünü seçmək hüququ təsdiqləndi

Azərbaycanda pensiyaçılara pensiya növünü seçmək hüququ veriləcək.

arrow Ətraflı
"Şuşa" adından istifadə qaydası müəyyənləşdi like
  • 13 May 11:55  
Siyasət "Şuşa" adından istifadə qaydası müəyyənləşdi

Şuşa şəhərinin adından istifadə qaydası müəyyənləşib.

arrow Ətraflı
Azərbaycanın hava limanları ilin əvvəlindən 900 minə yaxın sərnişinə xidmət göstərib like
  • 13 May 11:54  
Digərləri Azərbaycanın hava limanları ilin əvvəlindən 900 minə yaxın sərnişinə xidmət göstərib

Azərbaycanın beynəlxalq hava limanları ilin əvvəlindən ümumilikdə 900 m

arrow Ətraflı
Qalmaqaldan sonra yerinə məşhur aşpazı gətirdilər like
  • 13 May 11:49  
Şou-biznes Qalmaqaldan sonra yerinə məşhur aşpazı gətirdilər

"TV8" telekanalında yayımlanan "Masterchef" proqramının

arrow Ətraflı
İran Fars körfəzində iki gəmini saxlayıb like
  • 13 May 11:48  
Dünya İran Fars körfəzində iki gəmini saxlayıb

İran Fars körfəzində iki gəmini saxlayıb.

arrow Ətraflı