Son.az medicina.az-a istinadən bildirir ki, bu simptomların kökündə isə xroniki yorğunluq dayanır. İnsan özü bunu bilir, amma yorğunluğu xəstəlik kimi qəbul etməyərək, xroniki yorğunluğun müalicə oluna biləcəyini düşünmür.

Xroniki yorğunluq sindromunun əlamətləri:

-Həyat aktivliyinin azalması

-Mialgiya, yorğunluq

-Yaddaş pozulması, huşun dumanlanması

-Boğaz ağrısı, ağrılı limfa düyünləri, qripəbənzər simptomlar

-Səbəbsiz ağrılar - oynaq, sümük, əzələ və sinirlərdə

-Yuxu pozulmaları: gündüz yuxulama, gecə çətin yuxuya getmək

-6 aydan çox davam edən fiziki və psixi-emosional gərginlik

-Mədə-bağırsaq pozulmaları

-      Ürək ritminin pozulması, ürəkdə sancmalar

-      Seksual istəyin azalması

Xroniki yorğunluq bəzən kəskin virus infeksiyalarından, orqanizmin bacterial ağırlaşmasından, keçirilən ağır xəstəliklərdən sonra da yaranır.

XYS-nın inkişafına təkan verən faktorlar çoxdur, klinikası tam aydın deyil, bura genetik və epigenetik amillər, davamlı stress, uşaqlıq dövründə travma, infeksiya, immune və avtonom sinir sisteminin disbalansı, həddən artıq məşq, idman, bağırsaq mikromühitinin dəyişməsi də aiddir.

Ənənəvi tibb bu sindromun müalicəsi üçün antidepressantlar, iltihabəleyhinə preparatlar, antibiotiklər, ağrıkəsicilər, sedativ dərmanlar, stimulyatorlar təyin edir ki, bu da 10% pasiyentdə xəstəlikdən əvvəlki funksional səviyyəni bərpa edir.  Bu müalicənin əsasında səbəbin deyil, simptomların müalicəsi durur. Bir neçə simptoma təsir edən ənənəvi dərmanlar sinergik təsir etmir və bir-birini tamamlamır.

Xroniki yorğunluq sindromuna biotənzimləyici yanaşmada təkmilləşdirilmiş terapiyaya ehtiyac nəzərə alınır.

Bu sindrom zamanı orqanizmdə əsas şəbəkə pozulmalarının bərpası:

-Psixo-neyro-endokrin-immun şəbəkələrdəki dinsfunksiyanın korreksiyası

-Pozulmuş sinir şəbəkəsinin müalicəsi

-Qaraciyərin toksiki maddələrlə yüklənməsinin tənzimlənməsi

-Enerji istehsalı şəbəkəsinin bərpası

-Selikli qişa və bağırsaq mikroflorasının baryer funksiyasının bərpası

-Hüceyrə  mikromühitinin dəstəklənməsi