Dəyirmi masada Azərbaycan Milli Elmlər Akademiyasının A.A.Bakıxanov adına Tarix İnstitutununalim heyəti, Azərbaycan Əmək və Sosial Münasibətlər Akademiyasının müəllim və tələbə heyəti, Müdafiə Nazirliyinin idarə və müəəssisələrinin, hərbi məktəblərin və hərbi hissələrin zabit və kursant heyəti, Respublika Veteran Təşkilatlarının, şəhər muzeylərinin, ictimaiyyət nümayəndələri iştirak etmişdir.

Dəyirmi masada AHTM-in rəisi e.o. polkovnik Əzizağa Qəni-zadənin ("Tarixi zəfərin əldə olunmasında Heydər Əliyev ideyaları"), Azərbaycan Milli Elmlər Akademiyasının A.A.Bakıxanov adına Tarix İnstitutunun "Yeni tarix" şöbəsinin müdiri, tarix üzrə fəlsəfə doktoru, dosent, Hacı Həsənovun ("Azərbaycan dövlətçiliyi və Heydər Əliyev"), Azərbaycan Milli Elmlər Akademiyasının A.A. Bakixanov adına Tarix İnstitutunun "Yeni tarix" şöbəsinin aparıcı elmi işçisi t.ü.f.d. Xuraman xanım Vəliyevanın ("Heydər Əliyev və Azırbaycanda təhsil, elm və mədəniyyətin inkişafı"), Azərbaycan Əmək və Sosial Münasibətlər Akademiyasının müəllimi, tarix üzrə fəlsəfə doktoru Vahid İsmayılovun ("Heydər Əliyev və Azərbaycanın xarici siyasət strategiyası") mövzu ətrafındaməruzələri dinlənilmiş, Ulu öndərin Azərbaycan Respublikasının bütün sahələrində, xüsusilə Ordu quruculuğu, sosial, iqtisadi-siyasi, dövlətçilik məsələlərində roluna dair müzakirələr aparılacaq, mövzu ilə bağlı slayd və sənədli film nümayiş olunmuşdur.

Dəyirmi masa Silahlı Qüvvələrin Həzi Aslanov adına İdeoloji İş və Mədəniyyət Mərkəzinin ansanblın solistlərinin ifasında vətənpərvərlik mahnılarının səsləndirilməsi ilə davam etdirilmişdir.