Son.az axşam.az-a istinadən xəbər verir ki, Aydan həyat yoldaşının ad günü olduğunu vurğulayaraq, onla bağlı ürək sözlərini bölüşüb:

"Bu günü nə qədər sevdiyini bilirəm. Hər il mayın 5-də gecə saat əqrəbinin nəhayət 00:01-i göstərəcəyini və tarixin 6-ya keçəcəyini həyəcanla gözləyirsən. İçində tez nağılın içərisində olmaq, hədiyyələr, təbriklər almaq istəyən səbirsiz, kiçik, xoşbəxt uşaq oyanır. Bu, həyatımda görə biləcəyim ən gözəl mənzərədir. Tanış olduğumuz ilk gündən dünyama sülh, xoşbəxtlik və rahatlıq gətirdin. Sən mənim evimsən. Möcüzəvi bir insan olsaydı, yəqin ki, o, sən olardın. Hərdən mənə elə gəlir ki, sən bu dünyadan deyilsən. Sanki yaradan cənnətin qapılarını bir anlıq açıb və sən də hər şeylə maraqlanan bir uşaq kimi oradan qaçıb öz nurunu bölüşmək üçün dünyamıza gəlmisən. Sən mənim tanış ola biləcəyim ən mehriban, saf, mükəmməl ruhsan. Allah məni sevir, buna əminəm. Həyatımdakı yerini başqa necə izah edə bilərəm? Səndə dəyişmək istədiyim heç bir xüsusiyyət yoxdur. Səni sevirəm, ayım, günəşim, günaydınım və gecən xeyrəm, nəfəsim və talismanım. Daha əvvəl neçə həyat yaşamışam və nə qədər yaşayacağımı bilmirəm, amma bu, mənim ən yaxşı həyatımdır - sənin yanında, qollarında. Ad günün mübarək, mənim qəhrəmanım".

Qeyd edək ki, Aydan və İbrahim ötən ilin yayında ailə qurub.