Bağçada körpəsi döyülən atadan açıqlama Qohumdur, aramızda mehriban münasibət olub


Digərləri 14 Yan 2022 11:50:00 194 0

Bağçada körpəsi döyülən atadan açıqlama  Qohumdur, aramızda mehriban münasibət olub

"Hər zaman bizim ailə ilə Zülfiyyə Baxışova arasında mehriban, isti münasibət olub"

"2019-cu il təvəllüdlü uşağımı döyən tərbiyəçi Zülfiyyə Baxışova yaxın qohumumdur".

Son.az qaynarinfo-ya istinadən xəbər verir ki, bu sözləri uşaq bağçasında tərbiyəçi tərəfindən şiddət göstərilən azyaşlının atası, İsmayıllı Peşə Tədris Mərkəzinin direktor müavini Rəşid Mirzəliyev sosial şəbəkələrdə uşaq bağçasında körpəyə qarşı şiddət göstərilməsini əks etdirən görüntülərdən danışarkən deyib.

"Mənim bundan başqa üç övladım da İsmayıllıda 1 saylı uşaq bağçasında təhsil alıb", - deyə R.Mirzəliyev böyük rezonans doğuran hadisə ilə bağlı açıqlamasında bildirib.

O əlavə edib ki, hazırda hadisə ilə bağlı araşdırma gedir:

"Özümüz də sözügedən görüntünü sosial şəbəkədə görmüşük. Təbii, bu görüntülər bizi üzdü. Hər zaman bizim ailə ilə Zülfiyyə Baxışova arasında mehriban, isti münasibət olub. Bundan başqa, mənim digər övladlarımın da tərbiyəsi ilə sözügedən müəllim məşğul olub. Heç zaman ondan narazı olmamışıq. Hadisə ilə bağlı övladım da evdə hər hansı bir söz deməyib".