Ermənistan müdafiə nazirinin müavini Arman Sarkisyan 21 yaşlı Mane Markosyanın müdafiə nazirinin köməkçisi postuna təyinatını belə şərh edib.

Son.az Ermənistan mediasına istinadən bildirir ki, A.Sarkisyan söyləyib: "Ermənistandakı jurnalistlərə inansaq, nazirlikdə kadr darmadağınıdır. Əslində belə deyil. Bir neçə dəyişikliyi kadr darmadağını adlandırmaq olmaz".

21 yaşlı M.Markosyanın hərbi sahədə biliklərinin olmadığına görə belə posta təyinatının nə dərəcədə məntiqi olması ilə suala isə A.Sarkisyan cavab verib: "Müdafiə nazirinin köməkçisinin belə biliklərə malik olmaması heç bir problem yarada bilməz".

M.Markosyan əvvəllər sabiq baş nazir müavini Suren Papikyanın köməkçisi idi.