Son.az Trend-ə istinadən xəbər verir ki, bunu mədəniyyət naziri Anar Kərimov "Mədəniyyət Nazirliyi: 2021-ci il üzrə Hədəflər və Nəticələr" mövzusunda keçirilən mətbuat konfransında deyib.

Onun sözlərinə görə, bu günə kimi 403 dövlət qeydiyyatında olan tarixi-mədəniyyət abidəsinə baxış keçirilib, 162 dövlət qeydiyyatında olmayan tarixi, memarlıq, arxeoloji mənşəli abidələrin monitorinqi aparılıb.

"Eyni zamanda 864 mədəniyət müəssisəsinə baxış keçirilib. Bunlar 462 kitabxana, 348 klub, 20 muzey, 26 uşaq musiqi məktəbi, 1 kinoteatr, 3 kinoklub, 2 teatr, 2 qalereyadır. Monitorinqin məqsədi işğaldan azad olunan ərazilərimizdə abidələrimizə vurulan zərərə görə, təzminatın ödətdirilməsidir".