Son.az Trend-ə istinadən bildirir ki, Londonda keçirilən nümayişlərə bir neçə min insan çıxıb, onlar Böyük Britaniya hakimiyyətini koronavirusun "omikron" ştamının yayılmasına baxmayaraq, karantin tədbirlərini sərtləşdirməməyə çağırıb. Nümayişlər zamanı mühafizəçilər ilə etirazçılar arasında toqquşma baş verib, lakin həbslər barədə məlumat yoxdur.

Etirazlar zamanı Britaniya paytaxtının mərkəzindəki mağazalardan birinə maddi ziyan dəyib: etirazçılar binanın içində olan insanlarla mübahisə ediblər, sonra isə mağazaya yumurta atıblar.

Bundan əvvəl, omikron ştammının yayılması fonunda, Böyük Britaniya hökuməti koronavirus məhdudiyyətlərini sərtləşdirdi. İşəgötürənlərə işçiləri distant qaydada işə cəlb etmək tövsiyə edilib və əksər qapalı yerlərdə maskaların taxılması yenidən məcburi olub.