OPEC ölkələri yeni baş katib seçəcəklər


Digərləri 02 Dek 2021 07:15:00 132 0

OPEC ölkələri yeni baş katib seçəcəklər

Ötən gün OPEC ölkələrinin nazirləri arasında keçirilən iki saatlıq görüşdə yanvar ayında növbədənkənar iclasın keçirilməsi barədə razılıq əldə edilib.

Son.az Trend-ə istinadən bildirir ki, yanvarda keçiriləcək növbədənkənar iclasda OPEC ölkələri təşkilatın yeni baş katibini seçəcəklər:

"Görüş başa çatdı. OPEK+ ölkələrdən ayrı olaraq yanvarda növbədənkənar iclas keçirmək barədə razılaşdıq. İclasda yeni baş katib seçiləcək".

Mənbə növbədənkənar iclasın keçiriləcəyi dəqiq tarixi açıqlamayıb.

Qeyd edək ki, OPEC-in baş katibi vəzifəsini 2016-cı ildən Məhəmməd Barkindo tutur. Onun səlahiyyətlərinin ikinci müddəti 2022-ci ilin iyul ayında başa çatır.