Növbəti koronavirusu bu heyvanlar yaya bilər ARAŞDIRMA


Digərləri 22 Noy 2021 22:40:00 102 0

Növbəti koronavirusu bu heyvanlar yaya bilər  ARAŞDIRMA

2019-cu ilin dekabr ayında Çində ortaya çıxan koronavirus dünya üzrə 256 milyondan çox insana yoluxub, 5 milyondan çox insanın ölümünə səbəb olub.

Son.az xarici mətbuata istinadən xəbər verir ki, koronavirusun necə ortaya çıxdığına dair araşdırmalar dəqiq olmasa da, mütəxəssislər gələcək pandemiyalara qarşı işləməyə davam edirlər.

Həmin tədqiqatlardan biri ABŞ-ın Prinston Universitetində aparılıb. Prof. Dr. Mona Singh və Dr. Şon Kinqin rəhbərlik etdiyi araşdırmada gəmiricilərin koronavirusla əlaqəsi araşdırılıb.

Xəstəliyin ötürülməsində təsirli olan ACE2 fermentinin gəmiricilərdə inkişafını araşdıran mütəxəssislər gəmiricilərin əcdadlarının SARS-Cov infeksiyalarını dəfələrlə keçirərək müqavimət göstərdiyini aşkar ediblər. Singh və Kinq müasir dövrdə siçanların koronavirusun asemptomatik daşıyıcısı ola biləcəyini söyləyib. Mütəxəssislər buna görə də növbəti növ koronavirusun siçanlardan yayıla biləcəyini irəli sürüblər. (publika.az)