Bu il sürücülər avtomobil yollarına yarım milyon manatdan artıq ziyan vurublar
Digərləri 28 Okt 2021 15:04:00 100 0
Bu ilin 9 ayı ərzində Bakı şəhərində və respublikanın ümumi istifadədə olan avtomobil yollarında yol qurğu və elementlərinə ziyan dəyməsi ilə nəticələnən 483 yol-nəqliyyat hadisəsi baş verib.
Bu barədə Son.az-a Azərbaycan Avtomobil Yolları Dövlət Agentliyinin Mətbuat xidmətinin rəhbəri Anar Nəcəfli məlumat verib.
Qurum rəsmisi bildirib ki, nəticədə: - 6 055 p/m əyrixətli tirlər, - 65 p/m beton bardür, - 177 p/m mühafizə çəpəri, - 20 işıq dirəyi, - 15 yol nişanı, - 4 məlumat lövhəsi, - 3 dayanacaq, - 18 səsboğucu lövhə, - 1 hidravlik baryer və mühərriki, - 164 m2 alkapon üzlük, - 25 m körpü məhəccəri yararsız hala düşüb:
"9 ay ərzində yol təsərrüfatına 572.2 min manat məbləğində maddi ziyan dəyib ki, bundan 405.7 min manatı (70.9 %) ödənilib: - Dəymiş ziyanın qalan hissəsinin ödənilməsi məqsədilə sığorta şirkətlərin, - 3 yol nəqliyyat hadisəsi ilə bağlı avtomobillərin sığortası olmadığına görə məhkəmələrə, - 56 yol nəqliyyat hadisəsi törətmiş səbəbkar məlum olmadığı üçün, onların tapılması məqsədilə BDYPİ-nə müraciət olunub".