Zukerberq "Facebook" istifadəçilərindən üzr istədi
Dünya 05 Okt 2021 08:03:00 105 0
"Facebook" şirkətinin sahibi Mark Zukerberq ötən gün kütləvi sosial şəbəkələrdə müşahidə edilən kütləvi problemlərlə əlaqədar istifadəçilərdən şəxsən üzr istəyib.
Son.az Trend-ə istinadən bildirir ki, bu barədə M.Zukerberq özünün "Facebook" səhifəsində yazıb.
Şirkətin sahibi bildirib: "Facebook", "Instagram", "WhatsApp" və "Messenger" yenidən onlayn fəaliyyətə qayıdır. Bugünkü problemlərə görə üzr istəyirik - maraqlandığınız insanlarla əlaqə saxlamaq üçün xidmətlərimizə nə qədər etibar etdiyinizi bilirəm".
Xatırladaq ki, daha əvvəl dünyadakı, o cümlədən Azərbaycandakı bir sıra istifadəçi "Facebook", "İnstagram" sosial şəbəkələri və "WhatsApp" mesencerinin fəaliyyətinin bərpa olunduğunu bildirib.
Mənbə: milli.az