Təqaüdçünü zorlayaraq öldürən miqrantlar həbs edilib
Dünya 16 Sen 2021 08:12:00 100 0
Rusiyanın Serqiev-Posad şəhərində təqaüdçü Taçikistandan olan 2 miqrant tərəfindən zorlanaraq qətlə yetirilib.
Son.az APA-ya istinadən xəbər verir ki, hadisə şəhərin Bujaninovo kəndində baş verib.
Cinayəti törədənlərin əməlləri yerli sakinlərin hiddətinə səbəb olub. Hüquq-mühafizə orqanlarının əməkdaşları yerli sakinlərlə danışıqlar apardıqdan sonra yaxınlıqdakı fabrikdə çalışan 160-a yaxın miqrantları oradan aralıdakı yataqxanaya köçürüblər.
Qeyd edək ki, həbs olunan Tacikistan vətəndaşları kənddə quraşdırılmış çadırda yaşayırmış. Onlar ərazidəki şəxsi evlərin tikintisində çalışırmış.
Mənbə: milli.az