DİN-in Mətbuat Xidmətinin Şirvan regional qrupundan verilən məlumata görə, şöbə əməkdaşlarının keçirdikləri əməliyyat tədbirləri nəticəsində narkotiklərin satışı ilə məşğul olan Asif Nəzərov saxlanılıb.

A.Nəzərovun üzərinə keçirilən baxış zamanı ondan sellofan bükümlərdə olan 21 qram "patı" adlanan psixotrop maddə - metamfetamin, 25 qrama yaxın tiryək, heroin və bir ədəd elektron tərəzi aşkar edilərək götürülüb.

Faktla bağlı Şirvan ŞPŞ-inin İstintaq Bölməsində cinayət işi açılıb, araşdırmalar davam etdirilir.