Son.az Trend-ə istinadən bildirir ki, bunu Bakı Metropoliteni Qapalı Səhmdar Cəmiyyətinin mətbuat xidmətinin rəhbəri Bəxtiyar Məmmədov deyib. O bildirib ki, hazırda stansiyanın yenidən qurulması, kommunikasiya xətlərinin çəkilməsi, drenaj sisteminin qurulması işləri yerüstü sahədə stansiya konstruksiyasının mühafizəsinin gücləndirilməsi sahəsində 3 istiqamətdə tədbirlər görülür: "Birinci mərhələdə yeni kommunikasiya sistemlərinin çəkilməsi və drenaj sisteminin qurulması ilə bağlı işlərin 70 faizi yekunlaşıb. İzolyasiya işlərinin 50 faizi tamamlanıb. Həmçinin stansiya üzərində döşəmə daşlarının düzülməsi ilə bağlı işlərin 30 faizdən artığı yekunlaşıb.

Təmir işləri yaxın 1 ay ərzində tamamlanacaq".