Son.az "qafqazinfo"-ya istinadən xəbər verir ki, bunu Rusiyanın xarici işlər naziri Sergey Lavrov Moskvada keçirilən brifinqdə deyib.

O bildirib ki, Əfqanıstandakı hadisələrin humanitar nəticələri qorxuncdur:

"Qonşu ölkələrin torpaqlarına Əfqanıstandan qaçqın axınının artması təhdidi bizi narahat edir. Qaçqınların çoxu Avropaya keçməyə çalışır və dəvət edilmədikləri ölkələr üçün ciddi problemdir. Bu problem ən qısa zamanda həllini tapmalıdır.

Bunun üçün Əfqanıstandakı siyasətləri belə məyusedici nəticələrə səbəb olanlar olmaqla, bütün əlaqədar ölkələr imkanlarını səfərbər etməlidir".