Son.az bildirir ki, cari ildə uşaqlara qoyulan adlar arasında ilk onluğu təqdim edir.

Belə ki, ötən müddət ərzində oğlan uşaqları arasında ən çox qoyulan ad Əli olub. İl ərzində bu ad 948 uşağa verilib. Beləliklə, yanvar-avqust aylarında Əli adı uşaqlara verilən adlar arasında öz populyarlığını qoruyub saxlayıb.

Bundan əlavə, doğumu qeydə alınmış körpələrdən oğlan cinsindən olanlardan 924 uşağa Yusif, 891 uşağa Uğur, 894 uşağa Hüseyn, 651 uşağa Məhəmməd, 570 uşağa Ömər, 519 uşağa Murad, 422 uşağa Raul, 408 uşağa Ayxan və 406 uşağa isə Tunar adı verilib.

Məlumat üçün bildirək ki, bu ilin dörd ayında Əli adı 427, Yusif adı 406, Uğur adı 399, Hüseyn adı 393, Məhəmməd adı 280, Ömər adı 262, Murad adı 247, Raul adı 188, Ayxan adı 184 və Tunar adı isə 178 uşağa verilmişdi.

Həmçinin car ildə qız uşaqları arasında Zəhra adı birinciliyi qoruyub. Bu il ərzində bu ad 1010 uşağa verilib.