Son.az virtualaz-a istinadən xəbər verir ki, Rusiya sərhədçiləri Tavuş rayonunun Voskepar kəndində də post qurub. Erməni mütəxəssisləri düşünür ki, bu birinci Qarabağ müharibəsi zamanı işğal edilmiş anklav ərazilərinin Azərbaycana qaytarılması və qarşıdakı sərhədin delimitasiyası ərəfəsində təhlükəsizlik tədbiridir.

NEWS.am saytına verdiyi müsahibədə, Tavuş bölgəsinin qubernatoru Hayk Galumyan, yayılmış məlumatları şərh etməkdən imtina edərək, bölgə rəhbərliyinin bu kimi məsələlərlə heç bir əlaqəsi olmadığını qeyd edib. O, jurnalistləri Müdafiə Nazirliyinə müraciət etməyə çağırıb.

Ermənistan Müdafiə Nazirliyindən isə bildiriblər ki, hal-hazırda məlumat verə bilmirlər.